大寶 3 歲生日 2009 年

3月27日, 星期五  

今日係大寶3歲生日啦~

買咗個蛋糕係比佢切,

同時細寶都半歲啦~

一齊吹蠟燭, 唱生日歌~

倆個嘅表情都係肩嘴......

叫極個大寶笑都玩對抗, 強忍........

查實就鬼死咁開心,

baba 一放低鏡頭就笑到4個酒粒, 一影相就 cool 爆, 吹脹....

細寶係旁邊不知幾開心, 笑到流哂口水^^

而個大寶繼續強忍.... 唔笑, 點都唔笑, 睇見佢就無氣....

睇睇吓, 細寶又真係幾似我~

倆兄弟齊齊望蛋糕個樣都好似~

3個都係傻人一個~

有大寶近期喜愛嘅 thomas 蛋糕~

係呢一個月, baba瘋狂地買咗好多車比大寶, 有電車, 火車, 巴士, 工程車, 跑車, 坦克車, 水泥車...... 好多好多, 多到我懷疑係baba鍾意多過大寶, 哈哈~

生果已經唔係大寶至愛啦.... e + 朱古力同糖才係佢第一時間放入嘴嘅小食,

食完呢2嚿朱古力之後, 已經甜到咩都食唔落.... 

由於切完蛋糕之後, 興奮心情久久未能平伏, 夜晚成12點幾都未肯瞓.....

下次都係中午吹蠟燭好d~