送爺爺的生日卡

今日10月14日, 是大寶爺爺的生日,
在早幾日食飯時, 我叫大寶畫張圖畫送給爺爺,
佢好乖好細心的又畫又寫,
在我提點下完成的生日卡,
我比90分啦~
填多D色彩會更美呀~~ 但佢堅決唔填, 話清簡D靚D,
原本佢仲想寫多次生日快樂的, 但個" 樂 " 字唔夠位, 咁我同佢合力改一改, 就變了倆棵愛心樹啦~
希望爺爺會喜歡啦~~~

抽象派

 

 

估吓呢張係咩????

係大寶畫嘅Micky Mouse,

其實我好唔明, 個個細路都愛用蠟筆或木顏色來畫畫,

偏偏大寶就愛用原子筆或其他筆畫??

雖然唔係好靚, 但佢好有心機咁畫比我, 當然要好好保留~

多謝你, 大寶,

希望你畫多d比我, 不論用咩筆, 我都會喜歡o架~

 

 

海洋小世界

 

大寶新玩具 { 海洋世界 } 其中一小部分,

一直都好愛大海嘅大寶, 近排迷上了baba 嘅魚虹玩具, 就係魚中魚, 即係比魚玩嘅玩具... 都唔明, 觀賞魚都要玩具.... 奇...

但細時睇咗咁多次海底奇兵, 唔多唔少都有d影響, 就係所以魚都會講嘢, 仲要個個都要朋友~

整整吓, 我每晚嘅睡前故事, 一講到海洋, 佢就會不停要我加佢喜愛嘅玩具入去, 明明3, 2分鐘嘅小故事, 就會變成現在嘅連續劇, 考我創意兼記性, 眼瞓到爆嘅我有時都會講到九唔搭八, 好在大寶都照單全收~ 最順得人就係呢個時候~ 愛呀~

 

大寶發燒ing

大寶發高燒, 39.9........

醫生講係喉嚨發炎呀!!!!!!!!!!!!!!

大寶所愛

 

荒廢咗1 個月啦, 今日終於有dd 心機寫吓2寶近況,

之前因為 baba 舖頭無人幫手, 所以我就要去幫頭幫尾,

日日做到無時停... 回家又要陪2寶, 真係咩心機都無哂... 人都老哂.......

其實只係唔想做其他嘢, 一有時間都留返來陪2寶啦~

因為細寶不知不覺間已 10 個月大啦~

周圍爬不特止, 再加上又周圍企, 周圍8, 3 頭 6 臂都唔夠用,

所以做得到全職媽咪嘅都好犀利~ 請自行對號入坐, 係讚緊 d 媽咪睇2個仲可以有好多私人時間嘅勁人~

講返正題, 今篇係講大寶近來對影相真係有好濃厚嘅興趣, 並唔係新屎坑~

仲影到頭頭是道~

以下係佢嘅佳作~

 

1. 有日對夜對嘅橋同地鐵~

e+大寶一搭地鐵就要坐位, 一定要睇風景, 好彩嘅係我同佢上上落落嘅時段係非常之冷清, 有大把位佢坐, 不過下個月返學就唔敢想像......

 

 

2. 船~

不論咩船經過, 都一定坐係度留住佢行哂成個窗, 好彩星期6, 日無咩船經過, 如果唔係都要呆坐好多次.....

 

 

 

 

3. 佢喜歡嘅傳單~

我一見傳單就會say no~ 但大寶就來者不拒, 仲要珍而重之咁帶返屋企,

所以影影吓街景, 佢突然醒起有心愛嘅傳單, 就加埋入鏡~

用腳趾頂住都比佢諗到~ 哈哈~

 

 

4. 細寶

愈來愈有大哥哥本色嘅大寶, 開始會照顧細寶啦~

見佢坐係旁邊無嘢玩就比個衣架仔佢玩, 仲一齊影合照添~

又係佢自己諗影腳趾.... 古靈精怪~

 

 

講開照顧細寶, 大寶有時講d嘢真係氹得我好開心~

好似每次上興趣班之後, 大寶都會講, "" 快d返屋企啦, 我好掛住細寶呀~ ""

嘩~~ 聽到真係甜到入心~

其實呢句嘢係我之前成日同佢講, 每次我單拖同大寶去街, 我都會講, "" 好掛住細寶呀, 快d返去陪佢啦, 細寶都一定好掛住我哋o架~ "" 久而久之大寶都講咗我口吻~

咁都好, 倆兄弟就係要常常一齊玩, 一齊掛, 唔可以一個去街而忘了在家的那一位~ 不論係邊個~ 咁先係一家人ma~

 

刨冰

 

6月14日, 星期日, 熱呀!!!!!!!!!!!!!!!!!!!!!!!

 

 

 

 

今日, 我哋賣甩細寶,

3人行去咗旺角食糖水~

 

試咗呢個叫, 飄雪刨冰~

 

 

好幼細, 一d都唔會食到 " 格格 "聲,

因為我成日都認為食冰就有如食幼沙石咁,

又唔好咬... 又唔好味....

 

 

但呢隻整到一層一層咁~ 入口即溶呢~~~~

大寶食到唔停口呀~

 

 

 

本想同大寶一齊食一碟..

點知, 我影完相之後....

已經比佢極速纖滅咗....

唉.... 我剩係食得一啖咋.......

 

 

 

食得很知味~ yummy~

 

 

 

 

朋友

 

 

不知不覺同西九班朋友仔都識咗年幾倆年,

大寶由初初嘅怕羞仔到 e + 差不多記得哂全部朋友仔,

特別係成日見到個幾位, 佢真係經常將佢哋個名掛在嘴邊~

就知佢呢個時期係幾想有朋輩一齊玩~

 

 

記得早幾個星期前,

係屋企樓下遇見君浩(唔知係唔係用呢個浩字),

嘩~~~~ 大寶開心到忘哂形, 倆個玩到唔願走之餘,

仲齊齊 shopping, 跟住倆個就雞啄唔斷啦,

一路行一路傾佢哋d 細路計, 行到咁上下就講一次 bye bye,

點知講咗十幾次都仲係手拖住手唔願放.....

終於就邀請咗君浩上來我家玩啦~

 

 

倆個人仔初初都係各有各玩, 仲互相爭玩具玩,

不過唔駛一陣就投入了男人嘅世界 " 車 ~"

大寶就好似一位車主咁, 好想晒冷騷哂 d 珍藏出來,

但又唔捨得比君浩玩...

好矛盾嘅心情, 哈哈~

君浩一走, 大寶即時已投降瞓咗,

所以話呢~

有朋友一齊玩一齊成長係幾開心嘅事~

 

 

 

 

 

在上星期六, ( 5月16日)

 

 

西九班媽咪又相約去探謙謙個妹妹~

就係咁,

一大班小朋友又相聚一齊玩~

自從大家各自返學之後就少了見面啦~

我心內一直都想繼續嘅....

難得今次仲要係有6個人仔一齊見一齊玩~

大寶笑得真係好開心~

直到晚上返到屋企都仲不停講住朋友仔 d 名,

喊哂口咁話想再約佢哋出來再玩過~

真係無佢收呀~

 

 

 

 

百搭車王

初初都以為大寶只愛廚房, 只做廚神,

點知大大下就轉哂風,

近日瘋狂地愛上地鐵,

每日上上落落返工都一定要搭地鐵,

仲指定要去車尾睇地鐵到站,

每次有車到站就會講 " 你睇, 你睇, 有燈呀~ 係唔係灰色呢, 就係搭呢o架啦,"

呢段說話真係次次講, 到底佢悶唔悶呢???

不過~ 佢喜歡地鐵都有樣好處,

每當佢扭計之時, 我一講 " 你咁樣, 今日唔搭地鐵啦, 搭的士!!! "

佢即死死地氣乖一陣咁多, 哈哈~ 

呢期死穴真係好駛好用呀~

 

 

 

 

講古佬

 

成日都想錄低大寶睇圖書時個樣,

今日, 終於都影到啦~

仲好認真咁睇咗3本添~

而細寶都聽得好陶醉~

 

 

 

1. 睇火車,

大寶真係真係好鍾意 Thomas, 一見火車就自動將 d 角色配對~

一日睇幾次都唔悶.....

 

 

 

 

2. 呢本就係 " 叻叻哥哥書 "

足足睇咗成年幾, 佢都唔悶, 勁!!!!!!

更將我講嘅細節記得一清2楚~

 

 

 

 

3.  " 小房子 "

之所以喜歡, 又係因為有火車~

 

 

 

 

每日, 大寶都會纏住我, 要我講完一本又一本,

好處就係佢真係好投入去睇, 又唔怕佢周圍搞而整親,

壞處就係我無哂時間做其他嘢....

仲有d 悶......