東京箱根鐵人の旅day8-回家了

回家了，旅程終於都完結了，

經過上機既驚險經歷，今次早早就到達機場準備上機，

但在機場發現有個兒童遊戲室，

又忍唔住帶大寶去玩一陣～

連機場都有為小朋友而設既地方，

再一次感受到日本機構既細心，

除了百貨公司有ｂｂ車供應，

博物館有雨傘，大多數食店有ｂｂ椅，

還有很多照顧媽咪與ｂｂ的小地方，

對比香港真係．．．

大寶玩得好開心同好倦，

佢竟然可以在飛機起飛都瞓得著，奇景！！

旅程既戰利品，

不知不覺，大多數都係買比大寶既？

行電器店見到木村既廣告單張，

忍唔住拿了回家～

東京箱根鐵人の旅day7-箱根

 估唔到早餐都咁豐富，有魚有肉有飯，大家都食得好滿足～

唉．．．．但係個天依然都係雨天

好啦，第一站就去箱根玻璃之森

Venetian Glass Museum

我想如果陽光燦爛既話一定好靚，不過雨天一樣有另一番味道，

（迫自己接受現實中）

跟住就去了小王子博物館

The Museum of Le Petit Prince

停雨啦，停雨啦，終於都可以周圍行周圍走啦

快樂既時光過得特別快，話咁快又要回新宿了，

即是明天就要回香港了，好唔捨得呀．．

今次睇了櫻花，不知下次有無機會睇紅葉呢？

雨後既箱根街角有ｄ似長州，

回程竟然可以坐到新車～浪漫特快～

算是個美好完結！

無人既車箱，大寶又出動周圍搗蛋了～

東京箱根鐵人の旅day6-溫泉旅館

晚上我地選了和室溫泉旅館 ～對星館～

環境好清雅，是一所有私人吊車既旅館，幾得意，

晚餐和早餐都係在房間內享用～

十分之適合大寶呢ｄ無時停既曳人，可以在房內行來行去，

前菜好骨子，但好味

大寶好喜愛呢個清湯飯團＾＾

冷盤牛肉，ｂａｂａ最愛～

都係ｂａｂａ最愛，而我就有得睇無得食既魚生呀！！！

負責上菜既婆婆一直都好友善咁同大寶傾計，

雖然雞同鴨講，但兩個都互有對答，好好笑～

當飯後果是西瓜時！！

大寶兩眼發光咁不停同婆婆講”好香，好甜，好好味”

婆婆雖然唔知佢講咩，但都估到大寶係開心既，

所以佢都好開心，大家不停在傻笑

兩父子在爭西瓜，真係無佢地咁好氣

兩片西瓜就咁．．．被大寶快刨攪掂了

食飽飽再沖反個溫泉浴

呀四好羨慕呀！！我又無得食西瓜，又無得浸溫泉．．