~ * 懶楊楊屋舍 * ~: ★瘋花說月

顯示具有 ★瘋花說月 標籤的文章。顯示所有文章

2012年1月17日星期二

首飾新成員

忠實fan的我, 又騙爸爸買聖誕禮物了~~~~

今次買了一條平實款, 冬天帶了都唔怕勾到毛衣了~~

而呢條頸鏈有11年了, 是我自己買比自己的結婚禮物~~ ((並不是鑽石呢... ))
一直都好少帶, 一來怕唔見, 因我太大意, 時時會唔見....
二來是佢好易氧化, 好易變黑.... 純銀就有呢樣唔好,
好彩拿回店舖都會幫我洗到令一令!!! good~~~
但links 又唔會, 到底倆者的純銀度係咪好大差別呢???

現在的首飾盒大了, 我想我會常帶了~~~

2012年1月7日星期六

年近歲晚, 又係網購毒癮發作時間的高峰期.......
加上今年去旅行的目的地是韓國,
白色國度的天氣真係唔係人咁品, 所以我都早早幫大細寶買了好多預寒衣物,
但自己就未有準備過.......
一心想穿回舊衣舊物的, 但不停上網搵料睇料時, 心癮難擋了...

其實我唔係好怕凍的, (( 後生時 ))
但愈老就愈怕凍了........要接受現實,
我怕凍, 所以去韓國, 要穿羊毛BOOT, 不能只穿舊爬山鞋了~~ (( 為買嘢, 又係咩藉口都有的^^ ))

終於我買了它, 比在連卡佛買便宜好多, 但只有普通貨色, 要特別, 要出位就要去另一D網站找找了~~~
現在特價中~~
http://www.au-uggboots.com/ugg-classic-tall-c-1.html?page=1&sort=20a

網上大家都講, 買鞋要預大小小, 但我又唔想預太大,
我腳長24.5CM, 穿波鞋時穿EU38, 所以就照買38, 即US7號,

呢幾日咁凍, 我穿住佢真係無比溫暖呀~~~~~~~~~~~~
係呢個網訂鞋到收貨只需7日就收到貨啦, (由27號落單到4號收到, )
快靚正呀~~~

http://www.au-uggboots.com/ugg-classic-tall-c-1.html?page=1&sort=20a

網購 @ Gmarket

Gmarket 是售賣韓貨的網站, 相信好多人都上去睇過,
以我呢的c6人來說, 又一敗家之地也...........

雖然韓文好難明, 但我都踏出第一步, 試買了8樣貨, 但有2 set 襪無貨而變為6樣~
由我登記到買衫再到收貨, 只係短短7日, 送貨速度真的與淘寶集運不相百仲,

由於韓文真係睇到人都癲, 所以我只選一d有附加代號在貨物的店才買,
但第一次都有失手,

衫 >>> http://english.gmarket.co.kr/challenge/neo_goods/goods.asp?goodscode=225183228

係我愛的白色毛毛衫, 質地好舒服的~

頸巾 >>>> http://english.gmarket.co.kr/challenge/neo_goods/goods.asp?goodscode=228248940

此為失手之頸巾, 明明係想買有小鹿圖案的, 但就睇錯了, 好彩呢隻花我都穿到, 唔怕太女人,
心有不甘, 下次一定要再小心一d, 今次太急趕了, 心怕去旅行前收唔到貨,

咁樣穿好似普通咗, 如果係小鹿頸巾應該會好有節日氣氛, 去旅行會開心好多~~

小童頸飾 >>> http://english.gmarket.co.kr/challenge/neo_goods/goods.asp?goodscode=227049546

黑色是爸爸的, 紅及藍是2寶的, 如果唔帶我d 劣作自家牌頸巾, 呢3條就啱哂佢哋d懶人, 一穿一索就ok了~
店主仲送我5個暖包, 真好人, 好識做生意呀~~~

係淘寶都好耐無收到贈品了, 可能我不是大買家啦......

褲 >>> http://english.gmarket.co.kr/challenge/neo_goods/goods.asp?goodscode=170672489

呢條褲有d擔心, 因我唔知自己有無咁苗條..... 好怕會一嚿嚿肥肉凸哂出來.......

總數買了￦66,500
是已包運費了, 今次第一次買, 但下次有coupon用, 唔知會唔會再便宜一d呢??

舞台劇 @ 情話紫釵

本來好想睇黃子華的野豬, 但買不票,
睇吓睇吓, 覺得呢套情話紫釵都好吸引吓!
而且又有票, 仲係再度回港的第一場, 就入場支持吓謝君豪, 胡美儀呢d戲劇演員~~

戲中的時空交錯好好, 紫釵記中的一生一世, 放在時下世代, 無話唔可能的, 只要相方相愛, 而又無計較的付出,
感情係可以世水長流, 原來我係一個好老土人士, 在此十分認同, 哈哈,

而在謝幕時, 好多製作人都在我們四方八面, 好熱鬧呀~~~~~

有機會的都要去欣賞呀~~~ 值得推介!!!

2011年12月3日星期六

首飾大搬家

自問是一個愛整齊的人,
但我d介指, 頸鏈, 耳環就只能在一個盒內堆放.....
雖然不多....
但每次想搵都有在堆填區搵垃圾之感, 好亂呀!!!!!!

曾幾何時, 我愛上了香水, 本想好好的做香水收藏家, 點知就有了大寶而不能用了,
擺吓擺吓就過哂期了....

呢倆個盒仔就係首飾盒了...
好少家當呢~~~
但今次買了個新首飾盒之後, 就大條道去入新貨了~~~ 哈哈,

10年前的手鐲, 有1個已氧化而爛了個開關扣了...
而粒水晶都唔見埋,
在10年是包永久水晶及維修的, 但呢2,3年已無呢支歌唱了, 要收費就唔修理了~~
更放棄買此牌的首飾了, 一d都唔耐用.....

****** 呢個就係在淘寶買回來的首飾盒, 只係人仔200有找, 超平,
但真的比想像中細限多, 都唔多夠用,
只夠放舊的, 那新寵咪無位放??? no, no, 又要去淘一個更大的了~~~ 呵呵~~~
淘店 "" http://item.taobao.com/item.htm?id=124196278&ref=http%3A%2F%2Fsearch8.taobao.com%2Fsearch%3Fq%3Dlavie%26cat%3D%26scat%3D%26pid%3Dmm_14507416_2297358_8935934%26unid%3D0%26mode%3D63%26rt%3D1322985573750&ali_trackid=2:mm_14507416_2297358_8935934,0:1322983309_3z6_397208880 """

頸鏈幾條, 其實我喜歡買鏈咀多於一整條買~~
而下面的星星介指及頸鏈更是由耳環改做的~

下面呢個盒仔係去放行時在加拿大買的, 好喜歡呀~
而大寶近期都愛上北極熊呀, 每晚都要聽一個有關北極熊的故事,
好考人呢......

呢條在瑞士買的, 天鵝水晶店的出品, 點解那時咁愛呢???
現在都好少帶了....

帶水晶有d人雲亦雲,
而銀器飾品一直是我至愛~~~
而呢條鏈更時no.1呢~~
所有都是老公買的~~
那時爸爸應該多謝我, 因1整年都不用想買咩特別嘢比我,
只要不停買吊咀比我就得啦, 幾方便~

呢條係做半價時買的, 唔知幾時又做特價呢??

幾隻介指, 不得不承認自己係一個好粗魯的人...
好好的一隻水晶介指都比我帶到又分裂又崩...
好在唔多覺, 鬼叫自己又喜歡, 小小彩瑕疵都唔搭得放棄佢~

鑽石~~~~
當然要人送才珍貴, 那個重任就交比爸爸啦~~
哈哈~~

好了~~ 搬家完成了,
好似真係唔夠位...
咁那個堆填區盒還不能退役住呢~~

繼續買多d, 買多d, 我愛朱義成~~~

2011年11月14日星期一

美味~

好耐好耐都無食過爸爸意粉了....
難得大寶叫到爸爸獻身整返餐, 我同細寶都食得好開心~~~

唉... 
我都唔明, 我現在的姐姐係煮食方面點解可以咁無心機...
日日係廚房4, 5個鐘, 都可以煮了一整年都無進步...
所以爸爸煮的愛心意粉雖然無咩特別花臣, 但與平日的地獄食物一比, 即時變了極品美食~~~~~
我們3個餓鬼食到LAM LAM~~~
yummy~~~~

2011年10月19日星期三

禮物

話咁快又大1歲啦~
今年收到好多喜愛的禮物~~
多謝咁多位

有我的心頭好~

2011年9月21日星期三

選校心態

9月22號了,

心情好緊張, 好緊張,,,

其實都唔知點解自己咁緊張, 好多事都不是我控制到的...

下個星期就是大寶遞交小學的自行選校表了,

好怕自己決定錯誤而錯失了某些....

但一路找學校, 比較學校時, 令我有一種似曾相識的感覺,

就好像當年結婚時找酒家時的緊張感,

其實倆者都有DD相似,

都好個人,

結婚就是同自己喜愛的人去完成一件事, 而讀到邊間學校都係大寶與學習相處的一件事,

結婚時不斷的去睇酒店, 酒樓, 比較各個場所的裝飾, 那裡會高級華麗些, 是西式亦或是傳統中式佈置, 食物如何, 交通位置如何, 價錢如何,

如此一比, 與現在為大寶選學校就好像一模一樣,

學校的教學方式是活動教學亦或是傳統的填鴨, 就是選酒店或酒樓,

食物就是教才, 教師, 好的老師會令學生進步, 唔好的老師只會令學生厭倦上學,

交通位置就是要方便, 我認為小學坐校車最好都是半個鐘車程就極限了, 所以一係就孟母三遷, 一係就只能在附近找最好的了,

始終最好最出名的學校都未必會收大寶, 就正如我到半島或洲際擺酒, 係最好, 最靚, 但有無咁多朋友親戚到來呢?? 付出了大量的金錢與精神, 但到頭來只為一場美麗的SHOW,

那不如在一所適合的學校學習, 開心學習, 6年開心的校園生活總比6年勞累來得幸福, 雖然大寶的求學時段與我細時已不能同日而語, 但我想最終目的都是求知識和與人相處的技巧吧, 知識是要不斷自學求知的, 學校係個大環境, 不是最不合適就可以了,

至於金錢上, 最貴的是不是最好我唔知, 但在結婚時, 我就真的付出了大量金錢, 但時過十年, 我覺得當時所做都不太適合自己, 勞心勞力, 回憶不深, 有小小白忙一場, 反之旅行結婚那種自由自在, 倆人的隨心, 真值得推介~~

所以, 我今次都以這心態來應對選校,

以大寶為中心出發, 不要人雲亦雲, 羊群心態,

目標是他, 他, 他, 就按步就班來進行吧!!!

希望一切都如願,

加油呀!!!!!!!!!!!!!!!!!!!!!

(是槌頭鯊~)