完滿結束 { 泰國芭提雅 } day 5

 

2月7日, 星期一, 年初5

晴天

 

 

 

短短5日的旅行要結束了, 初次到泰國都無點去到D主要景點, 就連曼谷市都無入到去行一行, 今之去完之後個感覺同我以前所想都好有出入,

天氣唔太熱, 好好~

食物好好味, 又辣又香口~ 啱哂我~

當地人都好熱情, 但物價好貴, 唔係咁物超所值...

而沙灘無我想像中咁靚, 關島靚D~

 

 

 

全個旅程中, 2寶最喜愛之活動之一就係係路邊睇所有五顏六色的的士,

 

 

 

 

購物狂的我本想好好發揮所長的, 但點解都係無咩吸引到我的呢????

是心態唔同哂啦, 所有衫褲鞋襪袋精品都提唔起勁去買...

反之2寶食物就係咁買, 就連爸爸都買到2隻錶,

睇來我真的轉死性啦,

但如果今次唔係去泰國係去歐洲的話, 我會唔會都係咁呢??

呵呵, 真係好想去一去來測試一下自己呢~~~

 

 

 

 

開開心心 {泰國芭提雅} day 5

 

2月7日, 星期一, 年初5

晴天

 

 

今天是泰國遊的最後1天了, 一大早就即刻去沙灘玩返轉先, 雖然D水都係好凍, 但大寶一D都放在眼內, 一於"勇"住出海, 不知來來回回幾多轉了~

一早哂住太陽又睇係2寶玩, 真係好完美嘅完結^^

 

 

 

 

 

 

 

 

中午就坐船坐車坐飛機的"三坐"回港了~

 

 

 

但回港之後就大件事了...

首先是細寶要去拆線, 不知我是放假後太放鬆亦或本性是大頭蝦, 去診所唔記得帶身份証, 如果要行幾轉,

而大寶就無O拿O拿又痾又嘔, 可能是回港之後的水土不服, 又要睇醫生了,

假期最後的一天就在來來回回的診所中渡過了,

下年再有機會去旅行的, 我一定一定唔會再留一日在港休息, 一定玩盡佢, 以求杜絕呢個情況再出現!!!!

 

去了3次旅行的大寶, 看來熱帶地方不太適合呢...

而佢本人都不停要求我下年再去日本, 我問佢點解時,

佢的解釋竟是" 我愛溫泉^^"

仔呀~ 我都愛日本, 但年年都去, 爸爸話會悶喎~

而我~ 當然係有得去玩就得啦, 哈哈~~~ 

 

 

火舞水動 {泰國芭提雅} day 4

 

 

2月6日, 星期日, 年初4,

晴天

 

 

呢間酒店雖然唔係好新淨, 但環境都唔錯, 旁邊就有一個商場仔, 入面仲有一間好好味的雪糕店, 我哋都食咗2次o架, 唔知第日會唔會在hk有分店呢~ 好味過Dreyer's , 到現在都仲係好回味呢~~

 

 

 

早餐選擇雖然唔多, 但都好新鮮, 生果日日唔同款, 最值得一讚是每日都有粥呀, 咁樣細寶朝朝都有粥落肚, 之後既午, 晚餐我都無咁擔心呀ma~

 

 

 

 

 

 

同圍影吓相就坐車坐船到沙美島了~

房間都好乾淨, 仲有水果供應添, 唔駛幾秒就被我哋ko了~ 哈哈~

一家都是生果皇!!!

 

 

 

 

 

咁靚既私人沙灘, 唔玩就唔低啦~

倆兄長玩得好開心呀~

係呢度仲遇到其他hk旅客添, 佢哋仲帶埋隻狗來呀, 真係好好好羨慕呀, 奀豬如果可以在hk沙灘玩得水都萬幸啦, 點解唔可以比狗在浮波以外d地方玩呢, 我哋身為主人的會好好看管住佢, 點解唔可以好好共同大自然地方呢????

 

 

 

 

baba得到倆兄弟好好嘅服待, 就係沙石massage~

我就係恨都唔敢恨呀, 咁好嘅服務都係留比baba獨享啦~ enjoy~~~

 

 

 

 

 

 

 

 

其實晚餐等睇show時, 大家都悶到發慌, 只是我同大寶任性, 堅持要睇到個show,

結果細寶同大寶就不停食食食, 飲飲飲,

最後連yoga都到埋啦, 先等到天黑呀陰公豬....

 

 

 

 

 

不付所望, 表演好精彩, 大家都大大滿足地回家啦~

 

 

精彩萬分 {泰國芭提雅} day 4

 

 

2月6日, 星期日, 年初4,

晴天

 

 

今日就要告別芭提雅, 轉酒店到沙美島,

早早食過早餐就出發去啦~

 

 

坐了1個多小時就到啦, 呢位TIM哥D司機果然係好高效率呀~

今次呢間酒店每日都有3班免費船往返的, 是由BAN PHE碼頭開到沙美島的入島(12:00, 14:00, 16:00) 及出島時間 (13:00, 15:00, 17:00 )

Mooban Talay Resort Muang Rayong,

一到步就見到個靚靚私人沙灘~ 好開心呀~ 不過與珊瑚島一比, 發覺呢度D水並無咁清呀, D水仲好凍添....

 

 

 

快食個午餐之後就急急腳去沙灘玩沙啦, 不知是否呢度太寧靜, 太RELEX, 有位靚太在曬太陽~ 仲要是無上裝呢~

今次呢位靚太就真係十分搶眼了, 樣靚身材正呀!!!!

就呢一點就已經嬴哂珊瑚島了~ 哈哈~

 

 

成個旅程最期待的正正就是今晚的晚餐了,

" 火舞表演 "

 

雖然要成8點才開始, 但我哋早早6點就乖乖坐定定食好個晚餐等睇SHOW了~

大寶發揮了小宇宙, 一人獨食了一大碟豬排骨, 勁~

 

 

等到花兒也謝了......

終於都等到表演了, 果然好精彩, 大寶同細寶睇到眼都唔眨, 呆咗!!!

 

 

 

 

 

 

不知不覺都睇咗成半個鐘, 點開心都要回酒店了~

夜間天上D星星好多好靚呀,

不知大寶是不是太興奮了, 晚上竟然眼光光瞓唔著呢...

 

 

 

 

 

游山玩水 { 泰國芭提雅 } day 3

 

 

2月5日, 星期6, 年初3

晴天

 

 

 

由芭提雅的碼頭坐船到珊瑚島, 不用1個小時就到達~

美麗的沙灘 Samae Beach,

藍天白雲出海真嘆呀~~~~

 

 

周圍都的肥肥的婆婆級女士, 一比之下我就變得好窕佻啦~ 呵呵

 

 

HEA足一日, 回程已是黃昏了~ 人人都講珊瑚島已大不如前, 個人覺得都十分之美麗及水清沙幼, 只是當地人不是太愛惜, 沙灘太陽傘背後盡是垃圾....

希望當地人及我們呢D遊人都做多一步, 把自己的垃圾帶走, 不要隨處拋棄呀!!!