大寶二年班 2013-2014

2013 - 2014 年度, 二年班

**

二年班 !! 二年班 !!!

大個仔了, 小學第2年的生活由今日開始

跟得細寶要陪伴哥哥~~

一年班的好成績, 期待你會保持~~

由1A 升上 2A, 依然是普教中班, 加油呀~~~

**

第2年的運動會, 跟得細寶又來為哥哥打氣啦~

都是障礙賽, 依然是亞軍~~~

來年希望你選你喜歡的來參加, 唔好偷懶呀!!!

要積極去玩呀!!

**

遊戲日, 細寶呢位小觀眾, 今年有跳下彈床, 好開心呀!!

跟得細寶下年都做小學生啦, 要多多參與學校呀!!

**

二年班的親子旅行是到沙田彭福公園, 是陪大寶去學校旅行的最後一次了,

三年班就要大個仔, 自己世界啦~

今年見他和同學仔都玩得好開心, 老師對他們都好好,

帶住一大班馬騮玩了多個遊戲!!!

盡情的瞓草地, 開心呀~~~

**

今年的學校加開了劍擊班, 我都厚住面皮同學校推介了大寶去參加校際比賽,

第一次參加只是取經驗的心態, 咁啱是由班主任來帶他,

所以他自己都好緊張呢, 輸是必然的,

但他的心態做足, 不是來玩下玩下已是今次的一大進步,

加油呀~~~

今年下學期還多嘗試了一樣新玩意,  [[ 琵琶 ]]

不要像結他一樣, 半途而廢呀~~~

至於今年的成績....... 是退步了,

不過早D退有好處, 他真的知道不付出就只有不滿意的成績,

來年3年班, 加把勁, 加多多油, 我會同你努力面對的,

知道嗎??

行山 @ 城門水塘 Shing Mun Reservoir

2013年3月3日, 星期日, 陰天~

城門水塘是一個好舒服的行山路段~

又平坦又短程, 只是比較多馬騮,

只要不隨便拿出食物或把膠袋搖來搖去引人犯罪,

D馬騮都會安守本份唔打攪你的~

 **

最方便是由荃灣坐綠色小巴專線82號,

荃灣兆和街-城門菠蘿霸
我唔建議在中途站上車,係假日多數都係滿晒,冇得上的,

或由荃灣坐的士直達, 4人以上都好低,

巴士:搭36B-佐敦,油旺/36-荃灣西/36A-深水埗,富昌/36M-葵芳 至梨木樹,48x-沙田 等經和宜合道的巴士
或經城門隧道轉車站的巴士
在梨木樹(村)附近下車的,可經近山邊的樓梯上行(未過/在變電站之前的石屎樓梯)
在城門隧道轉車站梨木樹出口下車的,沿隔離馬路至大樓,經小路出(呢條路我未試過的)

地鐵
從葵興地鐵站A出口出,沿葵涌道一直上,同樣,至梨木樹上樓梯至
其間應經過一兩條天橋的,在最後行的天橋落左天橋後,直行經梨木道,大圓街,過對面再轉左,至路口轉右,一直上便至,

**

在假日, 入口處的自然教育中心還有小手工活動,

今次主題是 [[ 蝴蝶 ]]

大家有問有答的做得好開心~

而導師ee 見大寶不停熱情搶答又介紹其他昆蟲, 所以特別送多一隻蜻蜓給他,

開心到四萬咁口~~~ ^^

其實佢比其他小朋友大, 識答係正常的~ 不過我好欣賞他的熱情!!

 **

當日天氣不太曬, 但都好多馬騮在曬日光浴,

不過佢地普遍都好瘦又細隻, 不知食物係咪不足夠,

所以不停同我家2隻馬騮講要珍惜食物, 不要浪費,

如果唔係就帶佢倆回呢個老家!!! 哈哈~~

**

 

見到樹根旁有好多抓痕, 不知是馬騮在鍊手力亦或在食樹皮??

好多樹根下都係咁樣, 曳曳的細寶有樣學樣....

當真把自己當成馬騮,

**

今次水塘d水好乾, d樹根現哂出來,

如果在雨季來呢度, 好似會成一個澤國咁, 好多水氹和倒影,

影出來的相一定會好靚~

有機會都想試一試~~

好愛見到倆位曳人相親相愛的樣子~~~ ^^

古靈精怪的你們, 上了小學的大寶真的小了戶外活動,

加上我同佢為了功課日日吵架, 真的好厭倦大家.....

傷了感情, 傷了自尊......

慶幸大家都善忘, 吵架後會在晚上和解,

但我都唔想.........

所以要學會放手和接納他的慢..... 慢....... 慢...........

希望我會做到!!!!!!!

 好快會到細寶上小學了~

我都要先放鬆自己再和你找一個和睦的學習方法,

相處之道真的好難呀!!!!!!!

 慢慢來~ 慢慢來~~~

我要在行山的活動中學會多多欣賞,

耐心的找新事物,

細心的體會身旁的一草一物,

就像對你們一樣,

路是要慢慢行, 你們才有好根基, 才會好好成長!!!!! 

**

貴人出門行~米埔

 

2013年 12 月 15 日, 星期日, 雨>>>>大雨

 

 

想去米埔濕地參觀就需要在1星期-2星期前預約,

只有星期六及日有得參觀~ 名額有限呢.

 

就係咁, 我在1號時就預約了15號去,

在預約那天的天氣是無比的好~

 

但.......

15號那天就無比的差, 又雨又風又凍......

但每人給了$90元報名費, 唔去又太浪費了,

帶齊裝備照去了!!!!!! 

 

 **

 

導賞員細心地介紹米埔內的環境及有特色的地方~

我們今次只是3小時的初級參觀,

因有歲數的限制, 12歲以上就可以去參觀浮橋外的濕地,

而夏季時還有收基圍蝦團和螢火蟲團的,

但要等2寶大d才可以了~ 

 

 

 

 

 

 

**

 

 

場內有望遠鏡出租, 每個 $ 20~

當玩具給他們玩就得, 想睇得清潔就用導賞員的,

真的又清又靚, 像投影到你面前一樣的~~~

 

 

導賞員說呢個鐵門後就是深圳了~

而家下我們身處的地方就是禁區, 

 

 

 

 

 

 

呢株大樹的氣根已成根了, 想必都好大年齡了!!!!!

 

 

 

 

**

 

 

 用我們的小相機影的鳥,

呢度的魚塘已全面用自動化的餵魚糧機,

 

而因太多鳥, 所以一d魚塘是養平價食供食, 貴價魚就可以供我們食了~

同埋, 香港在候鳥季節時的鳥多得驚人的~

 

如果不參加自然基金會辦的導賞團, 是可以找找其他觀鳥學會辦的團的,

因今日都有一大團會鳥會辦的, 他們會周圍去觀鳥影雀仔的~

 

 

 

 

 **

 

 

入口就是這個了,

此時的雨水都仲是小雨粉,

 

 

 

 

 

 

 

 

 

**

 

 

來到尾聲時, 毛毛雨已變成傾盆大雨,

狼狽的我們都要行完佢....

 

 

 

 

 

 

導賞員中途都好有心機堅持的,

但......... 我們敵不過D雨水同大風,

 

各人急急腳走回路了.....

 

 

 

 

 

 

總括今日係好好行,

下年有機會會再來的, 但貴人如我們,

就擇日都無咁準的選了入冬最大雨的日子來到,

都係一個難忘的經驗呀~~~

 

 

**

 

 

為了安慰因不完美的天氣而傷心的小人們,

就買了小紀念品~~

 

世界自然基金會

2013年韓劇大總結

 

2013年, 要數我中毒最深的劇集,

 

 

**

 

 

首位是 {{ MONSTAR }}

因此劇我喜歡上 BEAST 呢隊男團!!!!!!

 

半年時間不停上網睇他們的YOUTUBE, 由出道到近期龍俊亨的單曲"FLOWER"

毒發到化骨了..........

 

 

 

呢套音樂短劇, 只是12集, 真的可以令人找回不少年青回憶呀~ 哈哈~~

 

 

**

 

 

{{ 主君的太陽 }}

 

故事吸引, 係我喜歡的男女主角, 孔孝真, 蘇志燮,

倆位真的好夾, 好襯,

而當中的鬼鬼們令到我有好多聯想,

當下的生活是否盡力呢???

 

 

 

 

 

**

 

 

{{ 九回時間旅行 }}

 

穿越劇的另一代表, 難得的不是情情塔塔而又十分吸引!!!!

李真旭固然好戲&型,

 

故事出人意表反轉又反轉, 真係要好細心去睇呢,

如果我都可以回到過去多好, 我也想和我掛念的親人見多一面.....

 

 

 

 

 

**

 

 

{{ 聽見你的聲音 }}

 

雖然我不太喜歡姊弟戀, 但好在倆位主角都不太反感......

李鍾碩和李寶英做到那個感覺,

不過好似浪費了尹尚賢,

而中段打後都有D拖的......

 

 

 

 

 

 

**

 

 

{{ 鄰家花美男 }}

 

好笑溫馨的喜劇, 無咩特別, 但又好睇, 就是睇下....

我以前都有D怕和陌生人溝通, 但無奈又要去接觸人.....

 

好在我無咩不快回憶, 只是不太願與人相處,

亦好在不是太長的一段時間自我封閉就好轉了.....

是不是年青都是這樣的, 總有一樣事是自己不太願面對呢.

 

 

 

 

**

 

 

{{ GOOD DOCTOR }}

 

朱元和文彩元, 我覺得好襯,

雖然朱元無在七級公務員的型, 但呢套都做得好好,

只是關於醫人的故事小咗D,

 

 

 

 

 

**

 

 

{{ 九家之書 }}

 

 

有D失望的劇, 只為睇李勝基而睇的,

頭5集都好吸引, 但打後就好難才捱完.........

 

 

 

 

 

**

 

 

{{ 繼承者們 }}

 

又是一套失望的劇..... 好辛苦才捱到結尾.

又是頭4集好吸引......

 

不過有意外收獲是金宇彬做得好出色,

比在校園2013好,

 

 

 

 

 

 

**

 

 

其餘仲有秘密, 你是誰, 未來的選擇, 戀愛操作團, 都是睇了飛住睇的.......

 

 

不過仲有一D係, 睇一集就要棄權的....

倆周, 那年冬天風在吹, 當男人戀愛時, 我戀愛的一切....