拍拖更~~~ 單車飛馳!!

2014年10月5日, 星期日, 熱~~~
周日再次分道陽標, 大寶在家玩, 細寶去街單車遊~~~

 

之前一直都是由沙田去馬鞍山, 今次細寶說要去遠D,

就係咁...... 我們今次去了大埔,

 

**

 

先在科學園食個午餐先~~

 

 

原來由沙田到大埔的單車徑有10公里, 我們一來一回即是20公里~~

細寶好叻仔, 無叫倦, 一支箭的不停向前進發~~

 

不消個多鐘就到了~

先去回歸塔睇風景, 影下相,
同日的大埔公園好多外傭呢~~
亦好多人放風箏, 悠閒的一日!!!

 

如果唔想踏單車回沙田, 可以在回歸塔前交車~
不過熱愛單車的細寶係NON- STOP咁飛回沙田的......

 

 

中途有幾個人賣冰菠蘿, 只係$5, 比大埔海濱公園平, 在途中可以隨便幫襯下~~

 

 

**

 

回到家就見到大寶今日閉關的製成品~

紅魔蟹~~~

 

希望下次大寶你都一齊去單車樂, 一樂也呀!!!

 

 

每日行程

搭地鐵出出入入是我們一家大細的指定動作,
但不知何解, 倆位小曳人日日都可以一入車站就心情抗奮...
當正呢度係遊樂場,
我同爸爸都出盡百寶, 又氹又鬧又罰都無咩成果...
終於有日發覺倆人一入車箱就立正企好兼好鬼安靜,
一睇~~~~~
哈哈, 正正是一大班司機叔叔,
倆個立即呆咗,
因我成日都同佢哋講 " 再係車站玩, 下次見到地鐵叔叔就唔再比你坐O架啦.... "
今次真係好好彩, 上車前先講完, 一入車就見到,
即時有極高的阻嚇作用~
睇怕一頭半個月都有得安安靜靜坐車了,
不用就失禮人.......

 

 

街頭畫家

我應該好高興你喜愛呢樣活動....
我應該要欣賞你的自由創作.....
我應該要讚賞你的天份.......


如果係發生在街上的地下, 牆上, 畫廊的畫上, 我當然會十分次高興, 欣賞, 讚賞...
但家吓係日日發生在家裡的地上, 咁我就真的十分無奈....
當你好認真的解說這是路, 這是車站, 這是河....
我真的鬧你唔落....
又激氣又無言....

我只希望你呢位畫家畫少2日, 好等我哋做做清潔就VERY GOOD啦...

有驚無險

 

2歲5個月嘅細寶,

眼見大寶做到咩就以為自己都做得到,有時仲青出於藍,

以前都未見過大寶會得閒到去咬木頭, 而細寶就牙癢到去咬木, 有牙膠又唔去, 咬木, 咬人就成日做....

2月1日, 細寶終於都受了一次大傷,

在家周圍走, 一個失平衡就"中"了埋椅角度, 當堂流哂血...

傷口仲鬼死咁深...

雖然好快止咗血, 但我見都傷得好深吓...

諗咗一陣都係急急去醫院睇睇, 好彩只係縫一針,

係等見醫生時仲好開心周圍8, 周圍玩, 但一瞓係病床兼被我哋5花大綁時, 就面有難色....

好年青嘅醫生亦都好快手, 10秒都唔駛就搞掂, 個細寶雖然喊到豬頭, 但都好快收到聲, 算勇敢了...

係過年兼去旅行前整單咁嘅, 真係無奈呀.....

臨走時, 年青醫生再3叮囑, 要好小心好小心家居安全, 唉.... 我都知, 但人叮人咁睇住都受傷, 我都真係又傷心又自責啦...

係醫院呢5個鐘, 我見到有個男仔, 同大寶一樣大到, 個"下扒"都受了大傷, 倆眼喊到關公咁, 唉, 睇來男仔呢個好動天性都真係要呀媽睇到好實才得啦, 到底你哋呢d曳人識唔識驚o架??????

你唔驚, 但我實在好鬼死十分之驚呀!!!!!!!!!!!!

諗返轉頭, 撞到眼就真係大大大件事啦..... 感恩呀, 只係有達"拿"同增添多d男人味咁啦... 

 

 

的士迷

 

十分十分喜愛的士的細寶, 唔知關唔關由細坐得多事呢?? 大寶細時就日日陪我坐地鐵, 所以就好愛地鐵, 而細寶就坐的士多, 所以但凡見到車頂有"taxi"就不停大叫~的士的士~~~

而一出街行玩具部都係專睇的士, 其他一o的都睇唔上眼呀..

問佢大個想唔想同哥哥一樣做賽車手, 細寶2話不說就講 " 我要揸的士呀!!!!" 好有個性呀, 但最好就有埋的士牌照就正啦~ 幾百萬呀!!!! 細寶比心機呀~

 

 

 

襯o的的士未比你玩到散哂之時, 影返張全家福先~ 但我想呢個大家庭會不斷加入新成員的....

 

 

 

 

由於未有能力換樓, 所以2兄弟就要瞓住上下格床先啦~ 細寶十分喜愛呢個咕"龍"+埋呢個豬咀post~

十個愛呀~~

特技寶

 

 

20 個月大嘅細寶, 郁身郁世無時停~

近日受到電影廣告影響, { 營養標籤 } 扭 pat pat,

一日到黑都同大寶係度扭來扭去...

而倆隻臭腳又愛向外而放, 一時又食返腳指, 一時又食手指,

所以 baba 好輕易就影到佢呢d 雜技 + 瑜珈動作,  

快將踏入 trouble 2 啦.... 驚驚....

可愛笑面好快就會轉變啦, 影多d笑面來警惕自己,

唔好發火, 唔好大鬧佢,

忍.... 忍.... 忍....

接納 + 耐性呀!!!!!!!!!

 

 

 

 

 

 

 

 

 

 

轉少一陣啦!!!!!!!

呀!!!!!!!!!!!!!!!!!! 想死呀.................

細寶一識轉身就我想c呀....................

 

 

你日頭換片轉身我都未咁頭癢,

因為大寶都係咁轉,

起碼我可以用玩具, 搖控器, 濕紙片來引你注意, 2秒就同你換好呀,

 

 

但.....................

你竟然選係瞓覺時先來轉,

一瞓落床就轉側, 側一陣就扒係度, 咁點呢?????????????

吓???? 點瞓呢,

如果係一路扒係度瞓到淋哂, 我都等你呀, 即刻幫你轉返正,

點知你就係喜歡轉, 一背脊掂到床就轉,

吓!!!!!!!!!! 你明明瞓緊o架?????? 想點呀???????????????

 

 

呢樣都未夠, 仲要自己轉完扒係度, 想話轉返正時, 自己隻手頂住咗, 唔得啦......... 跟手就大大聲喊!!!!!! 知道唔舒服啦吓嘩, 求救啦吓嘩,

但你知唔知半夜3更係咁比你嘈, 我係無得瞓o架!!!!!!!!!!!!!!!!

轉少一陣啦, 細寶.....................

 

 

日頭要陪你哋玩, 夜晚都唔比我瞓.......

心諗, 好啦, 你終於都肯介咗點幾餐奶, 有得連瞓幾個鐘,

而你家吓竟然玩轉身,

我想死呀!!!!!!!!!!!!!!!!!!!!!!!!!!!!!! 唉................................................

大寶以前就日頭轉, 細寶e + 就夜晚轉,

你倆位少爺, o黎攞債定攞我命呢.....

 

 

細寶生活近況

 

細寶近日至愛活動之其2

 

1. 學企

 

 

2. 玩水

 

 

跳跳寶

 

由於 upload 短片好煩, 好亂,

所以睇片時請按顏色字啦,

咁就去到 youtube 睇 2 寶短片啦~

 

 

 

 

細寶又來挑戰自己......

坐都未坐到就又越級挑戰,

學人跳啦.....

 

跳高d跳高d@細寶

 

 

 

 

蕉蕉人!!!

 

由於 upload 短片好煩, 好亂,

所以睇片時請按顏色字啦,

咁就去到youtube睇2寶短片啦~

 

 

 

經過半個月嘅趴地熊 + sit up 訓練,

日子有功~  << 頸力 >>完全無問題啦~

係時侯要進入另一階段啦,

 

 

呵呵~ 正所謂 7坐, 4臥, 5翻轉~

話咁快就開始玩轉身啦,

眼見佢只係有頸力而無腰力.....隻腳又唔知點用力,

一味只係用個肚仔來做重心, 隻手又唔識橕起,

結果就只有個頭同腳就向上,

成隻蕉咁... 笑死我~

不過, 一發脾氣之下就得咗~

 

 

睇來, 佢都係一個惡人來o架啦.....

 

 

 

 

呢段片係晚上, 早上已練咗一整日, 所以唔多願再轉身啦,

+ 上又眼瞓, 發住脾四來滿足我呢位呀四嘅私心 ( 想錄低佢 )

細寶~ 對唔住喔~ 哈哈哈哈~~~~~~~

 

 

 細寶第一次轉身成功 

 

 

 

 

呢段片就係一早起身錄嘅,

飲飽食醉 + 叉足電之下, 細寶一轉就轉到啦~

比大寶咁煩煩貢都無發脾四,

 

 

細寶再接再厲之轉身 

 

 

 

 

模範大佬突然上身...

一個飛身就扎住細寶, 又想抱又想攬,

都唔知自己想點,只知想一齊玩~ 哈哈哈哈~

個細寶比大佬咁舞來舞去都無投訴, 難得~ 難得~

 

 

殘忍呀四掛住笑都無出手分開佢哋,

呵呵~ 我就係等呢一日, 一齊玩嘅日子快來啦~

 

  

大寶大石扎死蟹 

 

 

再坐一會~

 

呢幾日摷返大寶嘅屁股登出來~

即刻比細寶試坐~

 

 

貪玩嘅細寶, 無人陪就喊苦喊忽....

一同佢玩就笑格格~ 曳人王~

 

 

 

傻佬仔~