失控

一直都好想去小 b 囡屋企玩, 終於早幾日去咗搗亂啦,

大寶去到, 玩做失控, 不停又跳又叫又跑...

仲毫不客氣咁走咗上人哋張床度,  

 

一直都知大寶偏細粒... 但估唔到拍埋小 b 囡同細佬仔度係咁大分別....

好話唔好聽, 大寶... 細佬仔都重磅過你, 你到底有無長肉???

 

 

 

 

 

咪睇小 b 囡係囡仔就會詩詩文文, 原來玩起上來,

一 d 都唔輸蝕比大寶, 摩打腳咁互片~

又打摔角, 論身形, 大寶係輸哂, 但以牛力取勝... 估佢唔到...

 

 

睇睇吓, 倆隻馬騮又笑得幾襯喎~

倆個都有個酒粒仔,

呵呵~ 唔知第日夾唔夾到呢??

野蠻奶奶想有個好新抱, 係咪自己舖路好d呢??

 

 

玩玩吓講起, 先知道原來佢哋係未識單腳跳o架,

係返咗學才會教, 貪得意叫大寶跟跳,

一扑一轆咁... 又比大寶學識咗,

呢d曳嘢就3倆吓學識, 日日教佢 abc 又唔理我...

到正式返學就知死啦....