細寶7個月

 

 

4月30日, 星期4, 晴,

細寶7個月大啦~

今日去咗健康院打針兼磅重,

重 : 7.13公斤, 高 : 69cm,

 

 

 

眼仔會周圍8,  望到都幾遠啦, 有5米以上~

對大寶發出嘅所有聲音都特別敏感,

會雙手拿牙膠, 拿生果, 放入嘴係咁咬,

間唔中會同大寶踢吓波, 會笑得特別大聲,

仲未肯由正面轉為扒係度, 只係轉到一半就hold住唔郁, 係懶定真係唔識呢??

會坐, 但要雙手"才牚"住, 完全自己坐只得1, 2 秒,

最愛企起身, 雙腳都幾有力, 仲會跳吓彈吓,

食2餐粥, 每餐都有半碗至1碗小童碗, 不過就係浠粥,

試過嘅食物有 ：蛋黃, 魭魚, 香蕉, 木瓜, 紅蘿蔔, 蕃薯, 啤梨, 保冧, 節瓜, 翠玉瓜, 水晶梨,

依然係全人奶, 未介到夜奶, 半夜都係4個鐘一餐, 有d動搖, 係唔係唔夠飽呢?? 加吓奶粉好唔好呢?? 15/ 16中........

頸仔已有力了, 可以轉左轉右, 但當坐定定時, 個頭好似習慣性側向一邊, 為安心起見, e 生已安排去骨科check一check~ 希望係我己人憂天......

正值發牙癢高峰期, 見咩咬咩.... 但牙影都未見......

係6個月大時, 出現第一次發燒, 食咗3日藥就無事啦~

會發出古靈精怪聲音, 有時會失驚無神 + 高8度大叫 "呀～～～～ｅ呀" , 有時我哋討論佢同大寶時, 會講 "呀～～呀" 咁應我哋, 有時悶悶哋仲會主動呀幾句引我哋傾計, 都係口水佬一名,

喜歡人抱, 最好行來行去添, 咁就可以周圍8無咁悶,

表情多多, 喜歡笑, 會詐喊, 會扭計,

喜歡食食吓粥開大大, 次次都要食到一半就換片, e + 我會嘗試係食之前"豆"佢開大, 但未曾成功過, 努力中.......

會認人, 最喜歡係大寶, 跟住係我, baba, papa, 姐姐.....