2寶影院@一日新開始

 

 

 

2寶曳人每日早上都鬧早起身,

邊個早起就邊個負責嘈醒另一個~

暫時戰績係細寶大比數領先~

 

 

由於大寶晚晚鬼死咁夜都唔瞓,

所以早上邊有可能早得過隻公雞仔呀~

細寶晚晚8點幾就扭落床, 而個大寶先開始玩到慶起~

 

 

好彩~ 大寶比細寶嘈醒都無發脾氣,

仲第一時間同佢玩,

睇睇近期活動第一位

 

 

 

 

1. 新鮮魚大平賣

 

 

由於大寶細時去得多街市,

而我哋係由佢自己決定當日食咩魚嘅,

咁姐姐會幫佢問檔主 " 今日有咩新鮮魚呀? ",

個檔主就會拿起是日生猛海鮮比姐姐,

講 " 呢條啦, 扎扎跳, 夠醒神, 呢條啦~ "

久而久之, 大寶就學會, 但凡新鮮就係扎扎跳 + 醒神嘅~

 

 

咁佢又認為自己瞓醒啦, 好精神,

自然就新鮮啦, 係一條不拆不扣嘅新鮮魚啦~

細寶睇得多都學會啦~

 

 

 

 

2.情深深, 眼曚曚之手牽手

 

 

大寶話夜晚拖唔到佢手瞓, 又唔嘈得佢,

所以早上要拖番補數,

又親佢又煩佢咁啦~ 哈哈~

 

 

 

 

3. 咩都搶一餐

 

 

佢話細寶仲未識轉身, 就幫佢學喎~

用張被拉吓拉吓咁就會o架啦, 大寶講~

 

 

幣在, 細寶掛住玩都唔學,

細寶唔爭氣呀...... 到 e + 都未轉到身呢, 懶豬~