2寶小氣豬

 

 

 

大寶, 細寶, 超小氣......

 

一同大寶慶祝完生日就病咗......

 

 

都唔知關唔關星期六晚, 佢賴濕咗張被, 但我又唔知,

只係換衫而唔記得換被, 結果就冷親.....

發燒, 流鼻水, 咳,

 

 

見佢不停流鼻就叫佢出力 sh 個鼻涕出來啦, 倒流會咳呀ma,

點知佢就講, " 唔得呀, 我會流血o架, 唔出得力o架..."

 心諗咩道理??? 不過都氹吓添啦,

" 唔會o架, 無事o架, sh 咗出來舒服d呀, 乖啦~ sh 走佢, 個鼻就無嘢阻住你呼吸啦~"

大寶打開雙手有氣無氣咁講, " 我無事呀, 係個鼻唔舒服之ma..."

你病到5顏6色 + 聲都變埋啦, 仲話無事...

 

 

都唔知係唔係病得太嚴重, 晚上不停發惡夢,

整到一連幾晚都無得瞓嘅我同 baba 變成國寶...

仔呀, 你乖乖食藥, 快 d 好啦~

 

 

 

而細寶呢....

 

 

早排先講佢食糊仔食得幾ok,

點知就即時合口唔食3日....

 

 

每日一到食糊時間就合嘴, 係咁咬住個下唇,

喊又咬.... 笑又咬,

想大喊又唔想開口.....

我引佢笑又死咬住個嘴....

個表情真係.... 難以形容~

不停嗚呀, 嗚呀咁合嘴求救...

真係想即時拍低佢 & 打把佢....

 

 

 

今日見大寶精神小小, 就影影近況啦~

 

細寶呢身包頭 look 係大寶細時都影過,

似到十足十呀~

 

 

 

 

影相就肥嘟嘟, 真人就奀之之.......

 

 

 

大寶~

 

 

 

 

 

 

 

 

同一 post, 同一背景, 就連床單都一樣....

 

 

 

 

 

 

 

 

 

 

 

 

 

模範大佬又上身, 話要抱住一齊瞓,

都係個招, 用力拉大脾~ 上呀上~

 

 

 

 

 

 

 

 

瞓完房又話要瞓埋聽喎, 呢個哥哥真多要求,

管家仔做到足,

好似晚上我食完橙, 想食多隻香蕉,

就即時拿走我隻蕉比 baba, 好話我已經食咗橙, 一日一生果就夠啦~

香蕉要留比 baba 喎....

知啦, 知啦, 你最鍚 baba 啦,

心中無我啦....

 

 

 

 

 

 

細寶正式踏入6個月大,

食粥仔大行動可進行~

加油~