新興趣

 

 

講大寶愛 baba 真係一d都無錯~

就連興趣都要一樣~

你影我咩, 我就影你,

你影細寶咩, 我又影~

 

 

 

 

 

咩都要爭,

e + 就話有2部機用啫~

第日細寶再大d,

咪要4部機???

咁咪又比多個藉口比 baba 敗家.....

 

 

 

 

今個星期我已經回覆繁忙生活...

1拖2上班~

 

真係日日做到無停手.....

 

 

 

 

 

 

一早起身就同細寶沖涼,

同大寶 & 自己食早餐,

準時9點半前出門口,

e + 剩係搞一個食早餐都滾水淥腳,

第日+埋細寶都要食早餐,

仲要8點幾就出門!!!  諗起就想死.......

真係要6點多d就起身....

 

 

 

忙完屋企...

返到公司又要掃地, 拖地, 餵奶,

間唔中聽幾個電話...

想話坐一陣又到大寶嘈住嘈住要睇圖書....

轉個頭又到細寶食粥, 接住又到大寶食飯...

 

 

 

好啦, 到午睡時間,

個大寶瞓咗, 以為細寶靜靜地點都瞓返2個鐘啦,

點知就鬼打咁精神!!!

目光流露住 " 陪我玩, 陪我傾, 陪我!!!!!!! "

 

 

 

又無得抖....

到大寶起身時又到細寶扭眼瞓...

 

 

 

扭得一陣又到晚餐時間,

天呀!!!!!

你倆隻曳人合作小小得唔得???

做死我咩??

我係你哋嘈喧巴閉之時仲要不停做公司嘢...

好有思覺失調感覺...

 

 

 

大家一定奇怪, 點解姐姐唔幫手,

實情係2寶死都要叫我,

大寶就驚死細寶霸哂我,

而細寶就進入超認人時期...

所以..... 認命吧,

想吞pop打機? 發夢就有你份!!!

 

 

 

不過咁忙有樣好~

訓練到我係2分鐘內進入死屍狀態~

 

 

 

 

 

呢倆張相係大寶嘅傑作~

影得都似模似樣o架,