惡人惡爺惡霸

 

 

 

 

大寶正式踏入3歲啦,

一直都有留意佢有咩轉變,

 

 

發覺佢由惡霸下降一級變惡爺咁大把啫,

不過無理嘅喊同發脾4就少咗,

特別係我哋同佢講道理時會聽,

 

 

 

 

好似近排病咗要藥, 都肯在3粒糖嘅利誘之吓屈服,

比著以前係誓死都唔彩你,

比玩具唔得, 零食唔得, 硬對硬唔得..

由得自己病, 你呢頭餵, 佢個頭完啖嘔返出來,

直到你放棄....

 

 

 

 

而管家仔行為依舊日日發生~

就連夜晚你用邊張被瞓都幫你安排埋, 唔聽佢就發惡...

e + 同佢講,"  張張都咁好, 輪住用啦~ ok? "

佢都肯, 只係不停講住, " 我都係鍾意你用邊張邊張多d呀~ "

但就無咁強硬啦...

 

 

 

 

有時同佢講信用都幾work~

好似講 " 要瞓啦, 睇1本書就要瞓啦, "

佢通常要求2本,

我會好開心咁答佢

" 好啦, 聽你話, 2本就2本啦, 睇完要瞓啦, 應承咗, 唔反悔o架~ "

佢cc地氣答 " 知道啦..... "

其實佢想點我知得一清2楚啦~

仲唔中我計, 預咗你講2本啦, 哈哈~

 

 

 

 

但有時都會發脾4, 係無理嘅發狂,

好~ 我一於錄起, 好等第日你自己睇番,

你係幾失禮...