4月11日, 星期六, 晴,
曳人大寶真在太多精力啦, 唔好好咁耗盡d能量,
晚上係好鬼死夜都唔肯瞓......
所以, 今日拉大隊去咗行山,
行山路段是初級組~ 青衣回歸徑
以我以前嘅速度係個半小時必定完成,
但今次有2寶...... 真係唔敢估需時幾耐.....
興奮嘅大寶, 以為今次嘅行山 = 舅父樓下嘅小山丘,
完全唔知係有3百幾級梯級等住佢,
呵呵~ 一路行, 一路問周圍嘅花花草草,
唔覺唔覺都行咗一小段路.....
加上同婆婆玩吓, 行吓, 摘吓花, 睇吓風景~
出盡百寶都引到佢上山啦~ 真辛苦.....
細寶差不多全程都去咗搵周公...
因為 un 吓 un 吓咁真係幾爽o架~
我哋只記得帶2寶午餐, 而忘記帶自己o個d...
我哋3個大人真係又餓又辛苦呀....
我真係餓到手軟腳軟.....
大寶幾經辛苦終於都到達第一個亭啦~ 萬歲!!!!!
而叉足電嘅2寶繼續無時停~
回程時, 不停問大寶 " 下次仲來唔來行山呀? "
" 來呀~ 咁好玩, 我要摘紅色花, 黃色果實, 仲有好多樹枝~ "
只要山上有呢d, 我想要佢再上山都唔係咁難啫~
一於一個月行一次, 到大小小就可以行遠d啦~
最後~
我哋用咗3個鐘完成全程,
而2寶都係臨落山個半個山仔, 同時投哂降啦.....
因為到咗大寶午睡時間,
借d意就爬咗上姐姐身瞓咗~
辛苦姐姐要抱佢落山啦~
沒有留言:
張貼留言