由3月28日到4月8日,
大寶足足病咗成2星期......
點解呀?????????????
明明好小心, 一凍加衫, 一熱就換衫, 咁都中??
已經連續睇2次 e 生啦,
由上次嘅4支變為今次5支加鼻膏,
希望真係真係真係食埋今劑就了事啦......
佢傷身時我都傷銀包...
食西藥係幾咁散, 大家都知,
睇見佢手手腳腳冰凍, 但成頭汗....
傷身傷得幾犀利......
好衰唔衰, 就連細寶都係4月4日病埋....
一到6個月就無抗體...
初初以為係普通傷風, 比佢自己打咗幾日,
結果都係聽到咳聲有痰,
實在唔放心, 睇 e 生吧......
e 生講佢咳有痰, 一個唔小心會傷氣管..
o!!!!! 咁大件事,
即刻來3支藥, 加滴鼻,
細寶, 辛苦你啦.......
唉...........
記得大寶好似係6個月大時都係一樣,
家吓d菌真係咁勁??
亦或係必經階段呢??
點都好啦, 快d好, 快d好, 快d好, 快d好...............
睇見佢病仲辛苦過自己呢.....
心痛呀.........
但睇返倆曳人,
你有你心痛, 我有我自在~
一齊呆在家, 玩得不亦樂乎~
睇來都係大人過份緊張, 佢哋都唔當一回事~
上次我個女病都睇咗3次醫生，食咗十幾日藥，就正如媽媽你所講→ 佢傷身時我都傷銀包~~~~唉！ 而家啲病菌真係好厲害，真要小心身體！
回覆刪除也祝大寶2寶早日康復！
[版主回覆04/09/2009 16:27:00]係啦, 而家D菌真係勁, 次次都要睇2次E生才可以控制到,
第一次D藥食哂都唔見效, 好似試藥咁,
所以佢一病真係好傷......
天鉞呢2日都病左 又係發燒 + 咳有痰..醫生話流感wor
回覆刪除我地都係睇第2次醫生啦~ 食左d藥就冇咳咁厲害
我就黎俾天鉞激死
因為佢一聽到話去睇荃灣既 劉章鴻醫生 仲就話"好"阿 仲自己著鞋準備出門好添 又好鍾意食佢d藥 不過睇一次成$270 我就喊晒口囉
呢個醫生會同佢傾下講下 一路睇天鉞又可以一路玩醫生枱上既車車 睇完之後 醫生仲會俾佢一張好靚既貼紙添 d藥水仲係幾好味聞既水果味.......
唉..雖然 佢俾其他人貴成$100元/次 仲要等成差不多一粒鐘先見到佢一面 但係.....都係......"底" 既
[版主回覆04/10/2009 08:04:00]大寶都$210一次, 如攞埋濕疹膏就$290啦......赤到入心入肺呀....
得個2日半藥, 一定好唔哂, 所以次次都要睇2次....
之前係青衣城有個幾好又搬走咗,
所以e+得反屋苑一個, 無得選....