2014年の雪樂無窮北海道DAY 1 @ 出發

2014年1月30日, 星期四, 年三十,

DAY 1~~ 出發

 

貪心的我好想去好多日, 但金錢&時間都有限的情況下, 只有7日時間去淺嘗雪國,

仲有是頭尾2日都是在仁川轉機呢~

早上出門時給了2個曳人一人2粒珍寶珠, 給他們轉機甜一甜的, 點知都未上機就同我消滅哂...

就係咁, 開開心心的出發了~~

 

 

一心諗住在仁川轉機時會去睇下護膚品, 待回程時去買個夠的~

 

 

點知細寶在第一程機時食了不消化的果仁......... 反胃中,

木無表情兼面帶十分十分痛苦的苦樣, 仲不停講想嘔添...

 

**

 

爸爸怕佢辛苦, 就給他食了止嘔藥,

但當時我心想, 空肚食西藥只會令佢更辛苦,

因我係唔受得西藥的人, 一食就會反胃的, 所以我怕細寶同我一樣...

又擔心又不知所措下, 都給細寶食了...

爸爸就出動買玩具來激勵下佢, 點知買完都係>>>囧字樣,

好擔心呀!!!!!!!!!!!!!!!!!

一路帶住徬徨的心去轉第2程機, 點知就真係出事了,

一起飛就嘔了........

OH!!!!!!!!!!!!!!!!!!!!!!!!!!!! MY GOD!!!!!!!!!!!!!!!!!!!!!!

嚇得我們呆哂......

好彩班機唔多人, 立刻轉個乾淨位,

好彩我多衫, 除哂D褲用我D外套當褲.....

唉...............

心情直插谷低, 怕呢個行程要食住藥來玩....

怕佢辛苦, 日日說回家.......

當細寶嘔完後, 佢瞓了.........

我就呆呆的看著佢全程...........

 

終於落機了, 當時已9點多, 因大韓Delay了成半個鐘, 當時我們都好倦了, 難免又急又燥,

立即開喼搵褲給佢, 但唔知點解有個海關人員係旁邊睇住我們,

更是火上加油, 好似不停趨趕我們咁.....

唉...... 在又燥又急又凍之下的情況, 我們差點吵大鑊....

原來周圍已空無一人, 真的走得好快呀~

一心只想快快帶細寶到酒店休息, 所以咩都忍了,

急急忙忙的飛奔到JR坐車去札幌了,

10點多的機場好冷清呢, 人影都無隻, 難道我們是今日最後的一班機到達,

機場不是24小時的嗎??????

一到札幌, 見細寶精神小小了, 個心都定D,

難得大寶好乖仔, 幫我一路同細寶傾下計,

坐的士去酒店時, 倆人已有講有笑~

放下心頭大石了, 11點正, 終於到房了~

以為可以大覺瞓了~~~~~

點知爸爸把暖氣開得太大,

我誤會了細寶發燒, 心掛掛的幫佢用毛巾抺手抺頭成晚............

好在, 早上佢十分精靈的彈超身~

咩嘢辛苦擔心都即時忘得一乾二淨了~

呀!!!!!!!!!!!!!!!真係忙碌的一日呀!!!!!!!!!!!!!!!!

 

**

 

住的是酒店 CLUBBY SAPPORO,
距離JR札幌都有15-20分鐘腳程, 加上2寶每早都一路玩雪一路行,
每早都要預多D時間~

 

不過酒店房好大間, 原本的雙人房,
我經樂天網訂房時打4人, 酒店就加了床給我們, 不另收費~
所以4晚都瞓得好闊落, 不過附近就無咩特別嘢行,
對面有個商場SAPPORO FACTORY, 但我們無時間行, 所以不知有咩特色~

 

浴室用品齊全, 基本物品有齊,
 

房內梳化旁有放濕機, 係好好用~
不過每早超身後我們習慣立即息暖氣,
因穿上所有外出衣服後係好熱的, 所以無暖氣下更衣會舒服好多~
 

今次我們的衣服同上次韓國無咩分別,
只是今次無用過暖貼, 因室內暖天真係好足夠,
去戶外玩時個人又夠熱, 所以大細寶都是簡單衣服,

上身 :: 一件保暖衣, 一件薄棉衫, 一件羽絨, 一件防風防水外套,
下身 :: 一條薄棉褲, 一條防風防水褲,
其它 :: 毛毛防水防滑鞋, 防水手套, 帽, 頸巾或頸套,

 

 

貴人出門行~米埔

 

2013年 12 月 15 日, 星期日, 雨>>>>大雨

 

 

想去米埔濕地參觀就需要在1星期-2星期前預約,

只有星期六及日有得參觀~ 名額有限呢.

 

就係咁, 我在1號時就預約了15號去,

在預約那天的天氣是無比的好~

 

但.......

15號那天就無比的差, 又雨又風又凍......

但每人給了$90元報名費, 唔去又太浪費了,

帶齊裝備照去了!!!!!! 

 

 **

 

導賞員細心地介紹米埔內的環境及有特色的地方~

我們今次只是3小時的初級參觀,

因有歲數的限制, 12歲以上就可以去參觀浮橋外的濕地,

而夏季時還有收基圍蝦團和螢火蟲團的,

但要等2寶大d才可以了~ 

 

 

 

 

 

 

**

 

 

場內有望遠鏡出租, 每個 $ 20~

當玩具給他們玩就得, 想睇得清潔就用導賞員的,

真的又清又靚, 像投影到你面前一樣的~~~

 

 

導賞員說呢個鐵門後就是深圳了~

而家下我們身處的地方就是禁區, 

 

 

 

 

 

 

呢株大樹的氣根已成根了, 想必都好大年齡了!!!!!

 

 

 

 

**

 

 

 用我們的小相機影的鳥,

呢度的魚塘已全面用自動化的餵魚糧機,

 

而因太多鳥, 所以一d魚塘是養平價食供食, 貴價魚就可以供我們食了~

同埋, 香港在候鳥季節時的鳥多得驚人的~

 

如果不參加自然基金會辦的導賞團, 是可以找找其他觀鳥學會辦的團的,

因今日都有一大團會鳥會辦的, 他們會周圍去觀鳥影雀仔的~

 

 

 

 

 **

 

 

入口就是這個了,

此時的雨水都仲是小雨粉,

 

 

 

 

 

 

 

 

 

**

 

 

來到尾聲時, 毛毛雨已變成傾盆大雨,

狼狽的我們都要行完佢....

 

 

 

 

 

 

導賞員中途都好有心機堅持的,

但......... 我們敵不過D雨水同大風,

 

各人急急腳走回路了.....

 

 

 

 

 

 

總括今日係好好行,

下年有機會會再來的, 但貴人如我們,

就擇日都無咁準的選了入冬最大雨的日子來到,

都係一個難忘的經驗呀~~~

 

 

**

 

 

為了安慰因不完美的天氣而傷心的小人們,

就買了小紀念品~~

 

世界自然基金會