2012年 冬 중 冰震首爾7日遊 @ DAY 6 part 1 仁寺洞 + 三清洞

2012年1月28日, 星期6, 冰震首爾7日遊 @ DAY 6 part 1 仁寺洞 + 三清洞





今日來打算去愛寶樂園的, 但一想到又要坐2個多小時車就放棄了.....
今天就來超輕鬆的, hea足一天, 食足一天~~~

早早就去食個豐富早餐, 超大鑊的餃子窩,
本來以為好小, 但一見就知大鑊了, 一定食唔哂,
而呀朱媽見有2寶係度, 仲不停問我要唔要飯??? 說細路仔一定要食飯才飽呀!!!!
oh~~ 你太睇起了, 一睇身形就知佢倆係非洲兒童啦, 一日到黑都在饑饉30......

係我同爸爸努力下, 終於都ko了呢鑊大大早餐, 飽到呢....
不過好好味~~~~





周六的仁寺洞好清靜, 可能人潮都去了新村, 弘大吧~~
先到地標 " 人人商場 " 閒逛~




商場佈置仲係聖誕節????
咁懶呀!!!!






























呢支筆就是仁寺洞入口了~ 內裡真係有好多毛筆賣的,





路旁有車仔賣滕製品, 有時間可以慢慢尋寶~~









由毛筆擺設過馬路直行就可以到三清洞啦~
而向左行就是景福宮,
去北村韓屋群亦或景福景就要在此時取捨了,
我就選了韓屋,
大家有時間可以先到景福宮, 再食人参雞再去行韓屋群都得~
只要不同細路同行, 應該係有足夠時間的~~

 

 

三清洞的小商店都好有特色的, 門口多有擺設~~^^

 

三清洞中段時, 會見到好多人都是向山上進發的,
大家都係找緊韓屋影相位~

只要不斷向上行就會見好多韓屋的門, 而內裡多是茶室~

轉了幾個街就到山上了~
更到了韓劇 "個人取向" 的拍攝地~
李敏鎬!!!! 你在嗎???孫藝珍!!!!你在嗎???

2寶見到呢舊屋都好興奮, 不停周圍又坐又玩,
加上我們早來, 周圍都唔多人呀~~

 

 

 

 

本來都好開心的, 點知在走時, 興奮的大寶在路中心走來走去時,
從後突然殺出一架車, 仲要係無收油的!!!!

嚇得爸爸大叫!!!!
差一點就出大事的大寶仲傻傻的唔企回路邊,
結果爸爸就大發雷霆!!!!!!
大寶亦都被爸爸鬧個狗血淋頭!!!!!!

所以, 同小朋友出街, 係路上真係要捉到實呀,
識時務的細寶立即拖到我實一實兼粒聲都唔敢問, 醒呀~~

 

 

 

 

 

 

 

 

 

 

 

 

 

 

 

2012年 冬 중 冰震首爾7日遊 @ DAY 5 part 2 南怡島+新村

2012年1月27日, 星期5, 冬 중 冰震首爾7日遊 @ DAY 5 part 2 南怡島 + 新村

午飯後, 繼續在島上閒逛~

 

行到中間, 有個小小遊樂場呀,
2寶有得放電啦~~~~
裝飾好特別, 飛牛在天!!!!

 

呢D木雕都好可愛呀~












呢個小一雪人陶瓷~
我買了4個呀~
希望下年去其他地方都買到記念1家4口的禮物~
一路KEEP住每年一次大旅行~~~

 

 

周圍都有呢D火堆給人取暖的~
我想燒雞翼, 我鐘意食~~~

 

 

 

 

 

 

終於都來到最出名的景點了~
杉樹2大排,

人人都爭相在此影人個到此一遊相,
2寶都來個靚靚POST~~~

 

 

下午茶時間係薯片時間,
多麼多麼的放任+寫意~~~~

 

另一景點影相位,
杏林樹~~

 

又見用樹葉堆出的2012~

 

 

估佢唔到的是連洗手間都有圖書!!!!






島上有酒店的, 大家行程許可可以住一晚呀~~~
風景怡人, 又可租單車環島遊, 真係一人個好去處~

 

 

玩到下午5點到就要走了, 天黑前要去新村試一試呢個燒海鮮!!!
大寶指名要試的...

對我們遊客來講係好新奇新鮮的,
但當地青年人多去食燒肉, 炸雞,
場內已遇見2對港人情侶來食呀~~~

陪完少爺們就去下場再食了~~~

係我愛的辣炸雞送燒酒~~~
每枱都有一大碗芽菜湯及紅蘿蔔, 係咪飲完真係幫到手解酒醉呢??
酒筲箕爸爸說燒酒淡如水, 不及米酒咁哽呀!!

食飽飽了~~~
今天好充實呀!!!