~ * 懶楊楊屋舍 * ~

2012年2月18日星期六

2012年 중 冰震首爾7日遊 @ DAY 4 part 1 新沙洞+鷺粱津魚市場

2012年1月26日, 星期4, 冬 중 冰震首爾7日遊 @ DAY 4 part 1 新沙洞(林蔭道)+ 鷺粱津魚市場

今日是輕鬆行街同食~~ 睇天書介紹新沙洞的林蔭道是新興的行街熱點, 今次就去閒逛一番!!!

先到仁治洞食個早餐先~ 每日都扭計幾十次的細寶又開工了..
眼見成枱配菜就想把所有都放進年糕湯內, 而唔係放進口內我就想打巴佢了..
話多幾句仲變面...

你夾我夾攪了一大輪, 結果無用的我又輸了,
放在湯內都得, 不過一定要用筷子囉~~
貪玩的細寶要努力了~~
夾唔到幾次成功就半放棄, 轉回用匙食早餐了,
呵呵~ 同我鬥~~ 還要再努力了!!!

在鍾閣站內見到靚靚裝飾, 大寶好比心機慢慢欣賞每幅畫~~
最後仲選了最愛食的小魚來合照呢~~^^

由地鐵3號線新沙站337, 8號出口直出, 沿路看到 Panis Baguetle 麵包店轉左就是林蔭道~
呢個麵包連鎖店就如美心西餅的, 總有1間在左近~

愛的士的細寶堅持要同橙色的士合照, 但又唔同黑色同白色嘅???
但到買玩具時又買了黑色同白色喎?? 唔通細寶有預知能力, 知道玩具車只有2色???

每當我入店內血拼時, 2寶就乖乖在街睇車, 睇風景~

林蔭道的商店, 好多都有裝飾擺設放在門口,
2寶+爸爸就在街上擺post同影影影, 玩得不亦樂乎~~~

而我都睇得不亦樂乎, 無錯, 係"睇",
因為匯率低同物價高企, 好多都買唔落手....只好用心欣賞之後就走人了...

中午時間就轉去鷺粱津魚市場開餐了~
由9號線鷺粱津917的2號出口上路面, 向前行就有行人天橋, 沿指示向1號線車站行,
但唔好入車站而在天橋上向左轉, 就會見天橋上有指示去"水產市場",

天橋上可以見到車站, 一路向前行直到見有停車場, 落一層就見到魚市場啦~~~

一個好大的水產市場, 基本上魚檔好多人都會講國語, 所以溝通完全無問題的~
選好海鮮就到食店開餐啦~~

當地人只會清蒸海解, 並無我們咁多樣化...
如果龍蝦可以炒炒佢. 咁除了鮮味之外都應該會野味d~~

無咩要求的2寶, 有得食就好開心了, 呢樣都正正係我所想~

我見鄰枱韓國人用鮮魚做了個泡菜鍋, 好美味咁, 都有衝動order一鍋試一試.
但呢度食海鮮收費係貴的, 材料自費, 入店內又要收人頭費3,000wonx3(2寶當1人), 醬油費2,000wonx3,
食海鮮都係香港出名~ 所以小試就算了~~

食完個海鮮餐都唔多飽... 大食積的我們又轉到麵包店食多個下午茶了~
1set4件蛋糕+4杯飲品, 都只不過18,000won, 接受到啦~~

食到飽一飽了, 立即去下一站明洞行街街了~~

2位曳人仔就在我同爸爸的懷抱內睡了口個甜夢啦~
地鐵好暖呀~~

2012年2月13日星期一

2012年 중 冰震首爾7日遊 @ DAY 3 華川山鱒魚節慶

2012年1月25日, 星期3, 冬 중 冰震首爾7日遊 @ DAY 3 華川山川魚節慶

每年韓國的1月都會舉辦很多冬季節慶活動, 在眾多的活動中, 我選了去釣冰魚,

華川山鱒魚慶典
(얼음나라화천 산천어축제)
** 華川-山鱒魚慶典 **

由首爾出發就要坐2個半小時的巴士才可以到達, 距離和愛寶樂園差不多,
必須在東首爾綜合客運站坐車( 종합 동 서울 버스 터미널 )一直到總站就是了~巴士好準時開的~ 千萬唔好遲上車呀, 而個巴士仲要停在最遠的,

早餐就在巴士上食紫菜包飯啦, 到達時都快中午了,

原來有區分當地人和遊客的, 遊客指定區要行到最上方, 大寶一路見人釣已想衝入去玩了,
快啦, 快啦, 買個遊客套票就可以入去了~~

其實呢度真係好大, 好多設施玩的, 有冰熊之城SIR滑梯, 有衝雪橇, 連撬, 冰上足球,
世界雪人廣場, 滑冰場, 冰上列車, 雪之列車, 足足可以消磨一整日~~

主題公仔都好可愛呀~~

買好套票之後, 再到服務房取釣魚具就可以開工釣魚了~ 千萬唔好心急買釣魚具呀!!!
遊客區內還有個叔叔教我們點樣釣山川魚添~ 好好人的~~~
大寶好比心機跟住上下慢慢拉魚絲,

好突然, 有魚上釣呀!!!!!!!

大寶好叻仔呀, 一埋位就有魚上釣~~
大家立即雄心壯志的想作一番大業, 要有個豐富的午餐!!

點知.....
呢個洞釣吓.. 那個又釣一陣... 這個又試吓.... 都係0,
正當好失望之時, 旁邊有位叔叔就送我們一條了~~

唔怕凍的大寶, 竟可以好悠閒的坐在冰上閒釣, 佩服!! 佩服!!!

釣得咁上下, 細寶已放棄轉移去玩冰了~ 不停周圍搬D冰來雪魚了..
其實有好多魚的, 不停都望到D魚在冰下游來游去, 但就係釣佢唔到, 太無耐性了,

估唔到的是, 原來旁邊還有一班香港自由行, 他們都係第一次來玩, 但收獲就好好多了, 一大袋的~~
睇來, 今日最醒最叻的是大寶了~ 爸爸都要企埋一邊呢, 哈哈~~