2010年大阪京都鴨仔團．飲飽食醉

2 月 18 日, 星期 4, DAY 5,

城崎溫泉

到啦, 到啦, 有得浸溫泉啦~

招牌相 1 ~

招牌相 2 ~

坐咗咁耐車都唔倦嘅就只得 2 寶, 一來到旅館就毫不客氣通街走, 好彩無咩人, 而呢度d ee好好人, 雖然大家言語不通, 但好熱心講比我知呢度有咩值得去睇同玩,

瞓係度玩..... 真係多失禮呀.... 但見佢咁興奮都無謂阻佢啦, 難得呢度無人呀.... 因為我哋好早就 check - in, 所以此時得我哋一家~ 由車站來旅館仲有專車接送, 雖然步程只需 10 分鐘, 但我都唔客氣地坐出坐入, 話哂比咗咁多錢呀~

休息咗一陣就去參觀吓呢度啦, 成個溫泉區都管理得好好, 因為係地方部門打理哂, 所以入住得呢度 d 溫泉旅館都可以免費浸哂 7 個外湯, 但我拖住 2 寶, 無本事係短時間內去浸, 所以就退而求其次浸腳啦,

大, 細寶見我浸得咁開心都好想參加, 但細寶倦得滯... 係我浸浸吓時已瞓咗...

而大寶就勇敢地嘗試了第一次~

由 baba 陪伴果然係大膽好多~ 佢浸咗一個之後就同我協議要去挑戰哂其餘個 6 個, 但.... 事與願違, time out 啦, 只係浸得 2 個....

只浸了 泉眼 + 第一泉

初初得我同大寶享受 2 人世界, 之後就陸續有 日本妹妹加入, 當時 baba 幾想即時坐埋來, 但已經無位 lu~

冬天嘅日本好快天黑, 未夠 7 點已黑哂天, 要回去食料理啦~

兒童餐好豐富, 有炸雞, 炒飯, 但都唔夠雪糕吸引, 大寶掛住食雪糕都無咩點食個餐, 整到我又要幫口食, 而我自己個餐又食唔哂, 所以就有剩帶回港再嘆過~

滿枱都係食物, 仲有白飯任添, 但一食飽個景況就嚇 c 人...

亂到打仗咁......

由於大寶有付款, 所以被褥都有 3 份~ 瞓得好舒服呀~

唔知點解, 2 寶係都唔 " 襟被 " 在家一樣, 在酒店都一樣, 講起酒店, 大寶一開始時第一日好唔慣瞓酒店, 不停叫住回家, 回家..... 咁我就氹佢,

" 我哋 e + 去旅行, 一定要住酒店, 呢度就叫酒店屋企, 要住 5 日 o架~ "

大寶好好奇咁問我 " 咁... 係唔係日日都係呢間呀 ? "

" 當然唔係啦, 要住 3 間, "

就係咁, 佢每日都好期待咁問 " 今日會住邊間呀~ "

到最後, 佢仲唔捨得走添, 講話最愛呢間有得食嘅旅館....

仔呀, 仔, 我都最愛呢間, 但係又係最貴呢, 住多 2 日會破大財呀.....

一早起身又係食食食~ 正~

昨天晚上大寶不停問 e e 有無生果食, 但 e e 唔明, 係我再 3 追問吓才知, 呢度個生果無上次箱根個西瓜咁大件, 只得啤梨仔一個, 2 寶都搶住食, 咁又係, 平時日日都有生果, 但呢 6 日就無咩點食, 只得幾粒木瓜同蜜瓜又點夠喉呀....

坐咗成日車, 最後坐埋呢架機就回家啦~ 超唔捨得呀........

**

話說我們由城崎坐火車回大板機場, 中途係要轉一次車的,
但大寶在新大板時尿濕了褲仔, 所以我要幫佢換褲時又要留心是不是到新大板了,
好彩都留意到周圍 d 人帶哂行李落車, 立即落車,

但見擴播不停說一大埋說話, 個心突然好緊張,
就走去問月台叔叔, 告訴他我們要去機場, 是在那裡排隊上車,
他好緊張的說, 在車頭, 一見我們行開小小就即刻指回我們返埋車頭排隊,
我們呆一呆, 驚一驚, 咩都唔夠膽郁.....

到車來時上車就知咩事了~
原來呢架車會甩卡 !!!!!!!!!
只有頭個一卡車到機場, 之後的就留在原地~ 88!!!

好彩月台叔叔喝令我們唔准郁, 如果唔係就大大鑊, 錯過火車及飛機 !!!

後記.....

唔知點解次次都仲有後記呢...

但呢段話係專比 baba 睇嘅,

請你記住, 同 2 寶去旅行前要做足心理準備, 佢煩你, 痴你, 不停同你講嘢, 不停問, 不停叫你陪玩, 都係因為平日少與你如此相處, 你要克制自己, 明白 2 寶, 去旅行已夠興奮, 還可以日日24小時咁樣與你相處, 當然會有超失控情況出現, 但你都要體諒 2 寶,  你在 2 寶心中的位置,  就算比你呼喝如仇人, 比你打手, 佢都唔想你唔理佢, 請你記住, 好多說話, 衝口而出, 講咗就係講咗, 你睇佢好似唔多為意, 但佢聽在心內, 會是一世..... 不要因小小事, ( 在我眼內無殺傷力的都是小事 ) 而對佢咁樣啦, 好嗎?? 

我們還要去好多好多次旅行的, 1 個也不能少呀~

2010年城崎．水翔苑溫泉旅館

2 月 18 日, 星期4, DAY 5

城崎溫泉 [ 水翔苑 ]

在街閒逛咗一陣, 發覺周圍都係情侶, 哈哈~ 一家大細嘅反而係得我哋~

坐咗成日車, 倦到嘔白泡的 大寶 ba 同我, 即刻去旅館 check - in hea返陣先~

呢間溫泉旅館正到不得了!!!! ( 以我哋倦到就快死來睇...... )

初初上網搵料時一見到個庭園就好喜歡~ 一來到睇到實景就更心醉啦,

好日本 feel 呀~ 超級遊客心理, 嘻嘻~~

來~ 睇睇相片吧!!!

鎖匙扣係可愛的蛋中鳥, 立即買了一大一小做記念品了~

可愛的松葉蟹溫泉公仔, 我覺得似我 + 大細寶呀~

住的房是 " 香付 " 唔知解作咩呢???

上次去箱根時浸唔到溫泉, 今次我一定要浸夠佢為止!!!!!!

呢幾張女湯相片係我偷偷地影的, 如此缺德行為真係唔好學呀, 哈哈~

照顧十分之周到, 連 bb 床都有, 但細寶已不是 bb 了, 所以跟我入去一齊沖涼浸溫泉,

好驚有人會突然入內, 所以隻手唔聽駛不停震震震....... 排排坐洗白白,

細寶跟我只係浸咗個按摩池, 正式靜止個溫泉池實在太熱啦, 得唔敢抱佢入去, 只係半夜時我自己去享受過啫~ 超爽, 無得頂, 成個旅行嘅肩背痛都即時鬆哂~

其實仲有個戶外溫泉池嘅, 但晚上已收檔, 所以我一早 6 點又去一試啦, 估唔到已好多人係度浸緊, 所以影唔到相 lu....

周圍都有掛畫同小裝飾, 好和式呢~

今次行程雨天多過晴天, 有小小掃興....

好彩呢度有小小玩具比小朋友玩, 仲要唔係膠玩具, 好喜歡呀!!!

搵得溫泉旅館就當然要品嚐埋佢哋 d 料理啦~

今次個主角係松葉蟹~ 2 寶就食由蟹湯煲出來嘅粥, (係我自己加飯入 d 湯內自製 ) 超知味呀, 唔知河豚粥好味亦或蟹粥好味 d 呢??

唔知咩名堂嘅前菜... 味道不過不失..

刺身新鮮美味~

蟹肉都好鮮甜~

由於大寶係要付小童費, 咁就又多咗個兒童餐, 係咁大堆頭嘅美食中, 我同 baba 2人幾經努力都食唔哂, c 9 本色出動~ 將有剩嘅蟹都雪起~ 留返回港再食~ 哈哈, 好慳家呀我哋, 呵呵!!!

早餐都係大堆頭~ 又飯又麵咁, 真係 2 人份量都足夠 4 人食呀~

2 寶食呢條魚乾食得食到 lam 哂利~ 正 !

  

食完豐富早飯後就要坐足一日車 + 飛機回港啦, 好唔捨得呀.........