2寶去影樓 part 1

 

 

早排朋友may 比咗張 face 影樓嘅優惠劵比我, 一心諗住貪小便宜去玩一次啦,

 

點知原來影多一個大寶 & 我要加 $400~ 好啦, 都加啦, 一齊玩啦, 但原來係無得扮小天使玩做型的...

 

都好啦, 當柴娃娃咁玩啦~

 

到今日去攞相啦, 一見要由85張選25張相都幾困難, 點知係好容易, 因為好多張都唔多得...

 

唔係我讚 baba, 但原來 baba 一直都影得好好o架啦, 一見批相, 又對唔到焦, 又暴光強勁到反白, 就知個攝影師哥哥就只可以叫哥哥, 未到師父......

 

而個sales 姐姐仲不停推銷我哋要哂d相, 只係承為$3888~ 話小朋友一大咗就唔同哂, 難得影到佢咁真一面, 要哂啦, 我自問係好容易比人 sale 嘅人, 但經歷過結婚相一役之後, 我話過, 再靚嘅相都會有日入床低..... 都係要小小當留念算數~

 

so.... sales 姐姐好無癮地自動行開~

 

加上我真係真係覺得, 所有成日影自己小朋友嘅 baba, 你哋 d 相真係好見得人, 唔好好似我咁哂 $$ 去影樓影~ 求其一個公園都影到佢哋開心嘅一面~

 

以下就係我所選嘅相~

由初初未熱身嘅2寶眼神所見, 係好奇~ 但未投入~

 

 

 

 

 

 

 

 

 

 

 

 

 

 

 

 

 

 

 

 

 

 

 

go go  part 2~~~~~

 

夏水下水玩水

 

由於大寶d濕疹反覆不定, 時好時壞, 所以我都少了去泳池玩水,

但山長水遠去沙灘我又唔多想, 因為我好怕曬.........

之但係大寶又好想好想玩水, 咁唯一方法就係係自家浴缸玩水~

一於快快手手放缸水玩餐飽~

 

細寶一d都唔執輸~ 一見我去放水就不停爬入來 8 個究竟, 有你份, 一定有你份~ 真係咩都要爭一份~

 

浴缸細細要迫入2件人仔都無咩位啦, 好彩都玩得幾開心~

大寶堅持要帶潛水鏡但又唔潛水. 無用豬......

 

 

難得姐姐幫手拍咗短片, 不過就成日都影到大寶全裸......

希望大家睇時唔好介意大寶咁狂野地大字型show off~