行山 @ 老虎頭郊遊徑 LO FU TAU COUNTRY TRAIL

2018 年 1 月 1 日, 星期一, 大霧

**

新的一年當然要去行個大運啦,

今次選了到大嶼山的老虎頭郊遊徑睇風景~~

飲過早茶就出發了, 本以為有 36 巴士到白芒村的,

但原來班次十分少, 今日假日得 5 班

我傻傻的在巴士站等了半小時才識打去問,{{ 巴士36 }}

一心又想轉坐的士, 點知大排長龍......

只好由東涌行入去白芒村, 用了的差不多 1 小時呢......

**

終於來到白芒村, 呢度仲有個奧運徑可以行的, 

但我今日要去老虎山呀!!!!

沿途指示都清晰, 向梅窩方向就正確啦~

行的 9個字就來到老虎頭郊遊徑入口了, 

地圖指示要原路去, 原路回, 再行回白芒村或梅窩,

但山頭其實都有路行到榆景灣的, 

只是路比較線腳, 2 寶就是坐住落山.....

沿途好開揚, 睇到珠三角大橋, 和哥爾夫球場~

山路易行~ 仲有好多得意的石頭添~

老虎頭郊遊徑名物之一 [[ 仙桃石 ]]

一路上山都以為山上大石似魷魚, 

原來是另一個名石~

名物二 [[ 試劍石 ]]

名物三 [[ 怪鴨石 ]]

仲見到好石壁水塘

如果11月來會見到好多芒草的, 

現在有D枯萎了, 無咁黃, 

終於都見到老虎頭了~

好神似呀~ 

影了一批相後就要走了~

問過其他行山人士, 都說虎頭比較難落, 

加上今天十分大意, 無帶行山杖, 

只好另選旁邊的路落山,

點知都是都是選錯.....

原路走是最好的~

呢條路, 看似好易行, 

因為見到有人帶狗上來行添, 

點知..... 

都好斜下 + 好線腳下

最後路段仲疑似是排水路, 並不是正常山路.....

不過都有好多外國人行喎 !!

黑色路線就是我的錯誤選擇了~

其實照由老虎頭旁直落回榆景灣仲好行D~

今天行了6小時~ 

2寶由頭段不停投訴行馬路到見到怪石後就判若兩人了~

下次都要找一些有怪石或風景要特別優美才氹到他們陪我了~

行山 @ 川龍-禾秧山-山火瞭望台 WOO YEUNG SHAN

2017年11月19日, 星期日, 霧

踏入秋季第一次行山~ 

終於都等到大寶第2次程分試完結了~

可以輕輕鬆鬆渡個行山周日, 

早一天還想到西貢的, 但今天早上天氣就是不太清朗, 

所以轉行大帽山, 點知上到山真的超大霧, 

咩都見唔到呢~~~ 

好迷呀 !!!!!!

**

先到川龍飲個早茶先~ 

真心的一句~ 貴而不美味..........不是我杯茶.........

今次是去睇禾秧山睇石頭, 禾秧山高771米~

先由龍門郊遊徑出發~~

再由鉛礦坳上山~~

**

龍門郊遊徑內有一些盲人在訓練行山, 

個人覺得他們好勁, 因為路程上都好多石頭, 不平坦的~ 勁!!!!

經過大約1小時就到鉛礦坳入口了~

呢度D草好高, 山路又窄又斜, 上山都好OK的,

但如果落山都幾線腳呀..

每年11月至 1月左右就是芒草季節, 

而大帽山都是睇芒草的好地方~ 比大東山少人很多, 很多~

放眼四周, 一丁人影都唔見呢~~~

加上今天超大霧, 睇出來的相好蒼涼....

行了 20 分鐘左右就到半日仔了, 呢度好開陽, 

如果陽光燦爛就十分 GOOD~~

來到呢度就開始入[[ 迷 ]] 一樣的仙景山了~

今天除了大霧, 還好大風~

正因大風, 所以路都好清晰, 如果唔係都好易迷路呢~

但美景石林就不見了氣象台做背景, 失色了......

禾秧山中其中一個名石~ [[ 豬仔石 ]]

其實還有好多好多出名的大石, 

可是超大霧, 我不敢行出山徑半步..... 

只可以一直向前行, 如果好天氣, 

呢個山頭必定可以和 2 寶行大半日呢~~

呢個石頭都是給疆屍先生休息的嗎??

呢個就像鬼瓜手~~

沿途都是有好多紅帶給指示, 所以下次好天氣一定會再來~~

呢個位置就是 [[ 天池 ]]

向前一直行就是到 [[ 山火瞭望台 ]]

來到了~~ 今天的行程就到此為止了~

要趕下山啦~~

由川龍出發到呢度, 共用了4 個多小時, 我想如果要細心睇石林, 

要預 5 小時呢~

落山路雖然不用手腳並用, 但有山路都斜的,

比上山路開闊, 慢慢行都是輕鬆的~

來到山腳了~ 

今天要完結了~~ 迷迷糊糊的大帽山 ~~

下次再行啦~

穿過嚮石墳場, 再接川龍山路, 

大半小時就回到川龍村了~

全程用了5, 6 小時, 趕在天黑前回到川龍村~

雖然大霧, 但又不是時時可遇呀~

今次比好天氣特別呢~ 滿足呀 !!!!