2017 年 4 月 14 日, 星期五, 晴天~
今日是復活節, 唔想到商場人迫人就去行山啦~~~
**
完成香港三大高山, 大帽山, 鳳凰山, 大東山,
今次就嘗試到尖尖見識見識~
釣魚翁 344 公尺, High Junk Peak
釣魚翁郊遊徑說長不長, 說難不難,
主要是睇耐力, 因都多梯級路, 而且仲要在後段的田下山呢....
#五塊田 > 上洋山 > 下洋山 > 廟仔墩 > 釣魚翁頂 > 蝦山篤 > 田下山 > 地堂咀大廟 > 布袋澳
**
由鑽石山轉巴士 [ KMB 91 ] 在五塊田下田~
沿指示向大廟方向, 基本上所有人都是去釣魚翁方向~
#上洋山的發電站, 一路都望到將軍澳~
#來到下洋山, 見到海上的吊鐘州
**
見到呢個路牌就是到釣魚翁的小徑了~
不跟指示到大廟, 由無指示的小徑上山,
沿途有好多絲帶帶路~
而其實跟住大廟方向前行又有另一捷徑到廟仔墩的~
不過係完全無路牌, 只有一條分叉路和絲帶指路, 要好留心才見到,
我都是由山上行落山時才得知,
#廟仔墩, 見相思灣, 牛尾州
細寶無膽豬, 見爸爸腳痛上唔到頂,
自己就又唔上頂啦,
最後就只有我和大寶到頂打個咭~
#釣魚翁頂, 係要帶備手套上去爬上爬落的,
只要慢慢上, 係安全的,
只是我們要原路上原路落, 要會合爸爸他們再落山,
所以無由另一方向行,
其他行山者好少會走回頭路, 不過只要上過去睇風景, 我就已好滿足了~~
左手方向是清水灣郊野公園, 外島是大癩痢,
右手方向是石尾頭, 清水灣遊艇會,
中間一粒島仔是青州
**
呢度就是攻頂前的捷徑, 比行剛剛的上山路舒服和易行,
不用10分鐘就落回郊遊徑, 紅色方向就是捷徑上,
一路都有絲帶指路, 只要細心睇就見到, 真係好行好多的~
**
由於爸爸他們每次釣魚都無咩收穫,
所以今次行山目的地是大廟, 一於去拜一拜天后廟作個福許個願~~~
如果唔想行那個田下山的梯級路, 見到呢個指示牌就要轉走清水灣道落山啦,
因為之後就無退路, 只有一條路到大廟~
#蝦山篤, 呢度望住清水灣睇風景發白日夢一流呀~
好廣闊的景觀~~
仲有一嚿似魚的大石相伴~~
回望清水灣真係好清澈的海水~
一路都是輕微的上山路, 不覺辛苦,
因心內一直以為到大廟是落山路,
點知....... 田下山真的好多梯級呀......
將軍澳的堆填區, 第一次咁近距離見.....
**
#田下山
本來一路好開心咁落山, 以為就到,
點知無嗱嗱前面出現條咁嘅樓梯 ??????
我們所有人都好 DOWN.............
洩哂氣........................
點解要上山呀 ?????????????
經過一輪內心與體力的搏鬥,
終於捱到上山頂了, YEAH~~~~~~
好在風景美麗, 都好值得行~~~
回望釣魚翁, 原來都行了幾遠,
那個指示路牌說一個半小時到大廟,
又是給那些跑山人士看的嗎???
本以為我們已有進步, 點知都係未能做到,
來到田下山頂都個半小時了~ 仲有落山呢 !!!
布袋澳和青州~
有型人仔~ 細寶
落山啦~ 落山啦~~~
真係唔知呢度上山辛苦D, 亦或那面辛苦D............
呢個大島就是東龍州, 我見好多人在扎營, 一定是復活假來玩幾日~
**
#地堂咀大廟, 和古石刻
我們到了~~~~~
**
#布袋澳,
在路口有一個小巴站, 但必定無位的, 都是乖乖行到布袋澳村口總站等車吧~
好多人哂嘢~~ 第一次見識~~
一場來到, 本想開大餐食海鮮的,
加上頭先鼓勵大細寶時都講, 今晚食好嘢~
點知來到, 那些店員見我們東睇睇, 西睇睇,
唔多係幫襯就比說話我們聽...
一氣之下就走去食公仔麵算數~ 哼 !!!!!
今日超充實, 完全滿足哂我要行山的目的~
如果行得快係可以在清水灣道轉走龍蝦灣郊遊徑的,
那邊的風景都吸引的~
夏天到了, 行山活動要先暫停一下了~
10月時再出動啦~~
