行山 @ 大嶼山羌山觀音寺-大澳 Lantau Island

2013年9月29日, 星期日, 晴+雨

***

今天選了易行的引水道及小山路段

先在東涌坐巴士11號或1號車各到羌山龍仔站下車,

但我們早了一個站在觀音寺下了車, 仲傻傻的上了觀音寺,

好彩行了一半, 問人後就知行錯了~

  

應該是下一站才是入口~~

 沿觀音寺向前行就會見一引水道入口,

此處就是正確入口{{ 羌山郊遊徑 }}

係好舒服平坦的道路~

加上今天不曬又有微風, 爽呀!!!



曳人一號今日的指定POST ~ 超人~~~~

今天的大寶要做一個攝影師同自然學者,
行山都帶埋參考書來睇,
初期......我真的好欣賞, 以為佢真的會細心觀察,
但熱度只維持了半條引水道咁大把咋...... 無恆心!!!!

沿途見到好多呢款蜘蛛, 不知係咩品種呢, 好大隻!!!!!!

***

行了10分鐘到見到有個梯級去一個寺廟的地方, 但又寫有惡犬,

詭異!!!!!

大鄉里的我以為呢條係萬丈布, 但原來只是一條山溪..........

剛才行的引水道是叫大澳道,

而向山上再行就是龍仔, 大澳方向~ 又再行! 行!! 行!!!

此路段有大量大大粒的果實, 但同平時的好有分別, 表面好似菠蘿, 有粒粒釘的,

2曳人玩到唔願行~

來到第一個分叉口, 各上是龍仔及萬丈布, 向下是大澳~~~



終於來到 {{ 悟園 }},

文字介紹這裡以前雖是私人屋, 但是對外開放的,

但現在已重門深鎖, 日舊失修了,

天色突然變黑了, 仲落了毛毛雨,

景觀突然棲美咗,

但路就難行了......



呢條下山路真係唔講得笑,

斜得緊要,

加上路濕濕,

再加上我們不專業的行山鞋,

再再加上大家已好倦了,

呢個70度下山路令到多嘴的2寶都沉默了.......

加上沿途都聽到人聲, 似近還遠的.....

時間好像變停了, 行極都未見平路....

完成了, 行完呢條死人斜路了,

其實唔係好難行, 因是水泥地, 但就因有毛毛雨,

令到路面好"扇"呢!!!!!

***

 一場來到大澳, 必去行了一轉及食了一轉才回東涌~

~~~ 總結今天是好行的 ~~~

下次有機會會挑戰附近的行山路, 好像都是易行的.

行山@ 烏蛟騰至廘頸 Wu Kau Tang - Luk Keng

2013年9月8日, 星期日,

****

炎熱的夏日漸漸走了~~

又是行山的好時間, 剛開學的9月功課還未多時, 周日都仲可以周圍去~

所以今次選了比初級長D的烏蛟騰至荔枝窩, 但中途變掛去了廘頸.

又是到綠州網找資料, 不過大意的我又睇錯了坐車方法,

其實有20C小巴在大埔火車站出發, 是每半小時一班的(假日)

但我就睇錯了在大埔墟南盛街坐20C(平日),

傻傻的我們到了站頭才知假日時間只有早, 晚一倆班車......

無奈下想走, 但又唔想浪費假日好天氣,

坐的士去火車站轉小巴或坐的士去烏蛟騰???

懶惰的我們選了一程的士去烏蛟騰,

只是坐車都浪費了一早了, 唉.....

所以凡事都要仔細做足準備呀~

大概的看了看地圖就出發了~

如果坐小巴到就是在祠心路落車, 向山上方向行就正確了~

旁邊有個小村, 但了無人煙....

我們就剛好遇到一位伯伯獨自行山,

閒話家常地傾了一陣, 原來大家的目的地相近, 他去鹿頸, 我們想去荔枝窩~

他說荔枝窩地方好美, 有士多可以食飯添~ 心想, 正呀!!!

去到剛好就會好肚餓, 立即出發~ GO!! GO!! GOOOOOOO!!!!

伯伯行山速度真係唔係行的, 是跑的!!!!!!!

追得我們死死下.....

好在初段是上山的梯級路, 加上2寶心情好好, 係追得辛苦小小,

總算無叫伯伯等我們太久,

終於來到第一個指示牌,指示時間是半小時, 而我們就行了45-50分鐘,

比以前進步了, 不用一培時間,

就在此處各奔前路啦~

 向我們的目的地荔枝窩進發~

還要行1個半小時, 但我想我們要2個鐘到啦, 

途經一個小分叉路, 跟指示亞媽笏方向就正確了~

行了45分鐘後, 又到了一個分叉路, 向荔枝窩要再行1小時,

正當我們在休息時, 有1家3口的人經過,

立即問一問荔枝窩的好味雞粥有無開工,

因我們已餓到打鼓了......

點知...... 答案是>>>> 是日休息!!!!!!!!!!!!!

OH!!!!!!!!!!!!!!! 點算,行一小時去到無嘢食, 回程又一小時, 再去谷埔半小時,

我們會餓死的..............

唯有轉地點去谷埔鹿頸方向, 起碼1個小時後一定有嘢食~~

唉, 美味的雞粥無緣了, 美麗的樹幹無緣了,

下次帶多D乾糧再挑戰吧~~~

出發~~~ 谷埔!!!!





行了45分鐘後, 我們到了谷埔宋伯士多~~

有嘢食了, 有麵有魚蛋有豆腐花, 餓鬼們3扒倆勃就食飽了~

呢度正正對住沙頭角, 所以都好舒服,

一路食仲不停有牛牛經過添~





士多老板娘好好傾, 同我們介紹咗附近有D咩行, 說榕樹坳美景都好美麗,

但看看時間已4點了, 所以決定向鹿頸方向回家了~



在呢個海岸邊, 愛海的大寶又在尋寶了,

發現大量小蟹仔, 興奮的2寶玩到唔願走,

說下次一定要帶個樽來捉蟹,

仔呀..... 天黑啦, 走啦~~~

來到鳳坑村, 又見有食店, 盈佳茶座, 有好多美食的,

但已打烊了~

沿途有人向谷埔方向進發, 我想是來看日落的,

但我們不愛行夜路, 所以都是趕快向鹿頸出發了~



 

 

 

 慢動作的我們, 用了個多小時才點到雞谷樹下,

原來呢度又有2間士多的, 下次我們大可反方向的行一次,

由此處做起點, 以榕樹坳為目的地~

應該會好行好多,

 

 行了5個小時, 在鹿頸陳鳳記坐小巴回粉嶺了,

今次2寶進步了很多, 無怨言,

堅持到最後, 叻仔~~