各有地盤

自從細寶上了幼稚園後, 對哥哥的一舉一動就更加留心.....
心怕睇小半眼都會比哥哥買甩~~
跟屁蟲24小時on call~~

哥哥一回家, 做功課不專心, 即時就拖自己枱仔在旁邊, 拿出自己的連線練習在旁整色整水, 認真一番比哥哥看....

哥哥畫畫,  你有你畫魚仔, 我有我畫心愛的士~~
都係老問題啦, 哥哥一句 "" 好普通啫.... "" 語氣奇差兼十分不肖, 即時又觸怒了細寶神經, 倆人又有互相大打一番...
其實哥哥在呢一年已進步了很多,
我同佢講, 做大的要多包容細的, 就似我包容大寶一樣, 所以大寶多是用手頂住細寶的頭, 只比佢打下大比同手,
有時睇見咁.... 都唔知好嬲定好笑~~

2012年首爾酒店記敘

今次旅行的事前準備功夫真係做得十分甩漏.....
一心以為book了間又近地鐵又近明洞又大又便宜的酒店,

點知, 一去到就知衰了......
原本的雙人房只有一個普通雙人床, 房間面積只有300呎到,
點有可能住6日???????????

而帶房亦知我係book錯房, 好好人的主動幫我轉房同加床,
而其實當時我們一到酒店都覺得奇怪了, 點解大堂咁細, 而服務員見到2寶亦都好錯愕!!!!!!!!

原來係情侶酒店來, 但又唔係色情的, 只係唔多似服務家庭.......
好在, 我們早出晚歸都唔多理佢酒店有無特別設施,

而呢間房就是大房了~~ 有張好闊落的5呎床, 另有1張小床比爸爸~~~
仲有張梳化添, 真係倆個世界呀,
2個曳人都有得走動吓~ so good~~~

就連電腦都有2台~~~
但晚晚就只有爸爸有到, 因我已倦到一上床就死了........



浴室都有企室和浴缸倆款,
情侶們可以慢慢培養氣氛啦~~~~~

不過房內的暖氣實在強勁.....
而又唔知點熄... 無奈之下只好開小小冷氣,


總括來講,
呢個酒店位置好好, 行3分鐘就到地鐵站,
附近又多食店,
價錢合理,
房間整齊,
坐的士到首爾站都好便宜,
因我來回機場選了坐機鐵+的士, 時間好預又不用等車兼塞車, 好方便呢~~~

今次旅程, 買了唔多特別東西~
只有1盒mask咁多啫,



和代表了4人同行的雪人公仔~~~

代人買的韓國阿朱媽圍裙, 估佢唔到又幾靚喎,

還有大細寶的玩具,就是咁多啦~~~

最最最估我自己唔到的就是......
買了個袋,
魔鬼爸爸問我入唔入去睇吓...
點知,
一入就買咗........
oh........ 毫無定力的我又破財了
but 超開心~~~~~~~
哈哈哈哈