~ * 懶楊楊屋舍 * ~

2012年2月8日星期三

2012年 중 冰震首爾7日遊 @ DAY 2 part 1 樂天世界

2012年1月24日, 星期2, 冬 중 冰震首爾7日遊

DAY 2 part 1 樂天世界

今日的第一站是到 LOTTE WORLD,
今早早餐食了人人都讚好食的芝士公仔麵, 但我同大寶都唔多喜歡, 可能杯麵差D啦...有D失望,

由鍾路三街534坐到535站再轉2號線, 十多個站就到蠶室216啦~

假日的地鐵好清靜呢, 十足我們包車一樣, 2寶不停周圍坐睇風景都無問題~ 大把位!!!

近期愛上Gmarket的我, 一見廣告相都唔放過, 一於影低!!!
係 BIG BANG, 我不太認識的..

坐到中途..... 傻傻的在214站落錯車, 真的大頭蝦...
好凍呀!!!

嘩~~~ 今日好好天氣呀!!
倆位人仔2話不說就話要玩邊個那個遊戲, 立即就衝去排隊了,
但戶外好多遊戲今日都暫停呢, 原本係話今日會落雪, 為安全要暫停,
大寶一聽會落雪又立即轉去搵雪, 哈哈~~ 仔呀, 雪係天上落的, 不用在地上找呀~~
失望的大寶就不停問住我 " 幾時有雪呀?? 我想睇落雪," 雖然我都睇, 但唔知幾時才有呢...

好彩仲有個小車仔有得玩, 玩了一陣就轉戰室內啦~

由於我們在機場換得唔多錢, 所以午餐就要就住食了, 都唔知係唔係假期原因, 個匯率竟是140, 好低呀!!
失算的事真多呀...

中午過後, 樂園就開始勁多人了, 爸爸的燥症又發作了...不停叫走人,
眼見同迪士尼都差不多就不作留戀了..

眾多遊戲中, 2寶對呢個氫氣球最感興趣, ok, 就玩此作結啦,
點知, 一排隊就知捉蟲了... 多人到嘔!!!!!!!

我立即用食物利誘佢哋想立即鬆人, 但無耐性的2寶竟然此時玩堅持...
唉, 算吧, 答應得就去排啦, 一排就1個小時了,

升上去轉一圈睇全景都幾開心, 見大寶排咁耐都依然興奮就知佢幾咁好精力了!!!!

遊覽一圈之後就走人啦~
去下一站水族館了~~

2012年 중 冰震首爾7日遊 @ DAY 1 出發 & 樂天超市

2012年1月23日, 星期1, 冬 중 冰震首爾7日遊

預備了多月的首爾自由遊, 今日出發啦~~~

上年因要6點多到機場, 都無機會搭機場快綫, 每年只有去旅行才有得搭的呢~ 所以搭機鐵就如同搭飛機一樣一件一次~~
今年好有記性地記得去買2人團體票, 只要$90~~ 就4人同行了,
我又做了不規矩的事, 無買大寶票呢.....(sh..... (nail biting)

)

個個都未瞓醒的樣子, 但我心情就好興奮啦~~

話哂都成10年無去過韓國, 真不知當地有什麼轉變, 加上以前係跟團去, 所到的景點與今次自己去的係好唔同,
希望一切順利呀~~~

坐早上9點45分機, 記得要準時上機呀, 家吓飛機係唔等人的, 加上新年繁忙時期, 早早就要坐定定等起飛呢,
今次我早在3個月前就劃好位, 倆位小曳人都有窗口位睇飛景~ 唔駛再為睇天空而打交了...
但估唔到大寶今次已大個仔, 在機上睇卡通片仲多過睇天空, 而細寶就不停食食食...
不得不認, 倆位小曳人已長大了很多很多...

一早已在網上睇料, 得知坐地鐵到酒店係比坐巴士方便,
所以一到步就到便行店買了張T-MONEY的車卡 = 香港的八達通,
由機場坐45分鐘左右就到首爾總站, 沿途有好多站可轉剩的, 我見到有新村女子大學呢,
地鐵的指示真的好清晰, 有中文, 數字, 英文, 耐心D睇一定無問題, 大可放心在首爾圈內自由行呀~~

到首爾站後我無選擇再坐地鐵到酒店, 因拖行李又拖2寶實在太倦了, 所以我選了轉的士到酒店,
人生路不熟, 見到有人排長龍等的士就走去排, 點知到幾日後才知原來在另一面有個大大的士站, 仲大把車添,
白白浪費了很多時間同凍餐死...
點知, 錯完一樣又到另一樣,
的士有導航都會找錯地方... 司機叔叔行了去酒店後門, 轉了幾圈後終於都到了, 真辛苦.....
在暖暖的的士內, 2寶已瞓到隻豬咁ZZZZZ

但原來我又大意了....
book了一間情侶酒店呢, 仲要係普通雙人房, OMG!!!!!!!
4人點瞓呀!!!!!!
立即請人家幫忙up up upgrade大大雙人房..
好彩都轉到間大房, 仲加多一張床比爸爸專用~ 哈哈, 如果酒店堅持唔比小朋友入住都唔知點算...
不過...估唔到情侶酒店都有咁大間房呀~~
唉, 都係自己大意, 日後在網上book酒店時真係要check清楚,
貴d都要家庭房啦.... 錯漏百出真的是我每次去旅行的指定動作....

攪了一大輪, 都已是6點了, 個肚餓到爆炸呀!!!!
中國的年初一亦是韓國年初一, 所以好多餐店都無開, 無咩選擇下就走入一家燒肉店開餐啦,
而佢亦都無咩選擇比你, 只得2款肉, 就係五花腩同排骨, 同一d豆腐湯, 泡菜湯,
唔理有d咩啦, 本想每樣一款試哂佢, 但一款肉就要叫2人份, 餓到傻的我們, 有幾多都食得哂啦,
一於叫齊佢, 食哂佢, 大細寶都不知食得幾知味, 大寶不停叫好味, 燒肉好好味~
個價錢已包了所有嘢, 有前菜, 有五穀飯, 不是白飯呢~ 仲有包住燒肉食的生菜無限量供應, 我食了很多呀~~~
所以埋單44,800won, ($320) 4人食到飽一飽真的不貴呀~~

年初一的首爾好清靜呢, 心怕明洞無開門, 所以就去了樂天超市行吓~

本想由酒店坐的士去樂天超市的, 但見食飽飽了, 就先試吓坐地鐵吧, 都係3,4個站啫~
睇了一大輪地圖, 大約都知自己係咩位置了,
就選1號線的鍾路三街130 >>> 首爾133 , 成日聽人講韓國地鐵有好多層,
今日一搭就知真章了.. 真係四通八達!!!!
加上年初一夜.. 冷清清的地鐵站人影都唔多個, 大聲D說話都有回音呀!呀!呀!!!!!!

首爾站133的1號出口(或426站), 上到最上層往右走, 就見到大大個 LOTTE MART 了,
好大的超市~
有個溫室專賣生菜呢, 唔怪得佢的菜咁新鮮美味啦~
行了一陣就回酒店了,
話哂今日都由早坐到晚, 大家都倦了,
抖足精神, 明天要去玩啦!!!!!