2010濕地公園

 

每年11, 12月都是漫遊濕地好季節,

有陽光, 唔熱, 有蝴蝶, 有侯鳥, 心情應該特別好!!!

 

 

影咗多次濕地, 話悶唔悶, 因為入面如果耐心D影, 都會影到好多靚相, 但每次2寶都掛住喪跑, 所以都係快閃幾張相~

 

 

 

 

近來.... 心情其實好低落,

不論是工作亦或教導2寶, 都有種無能為力之感, 可能是我太悲觀,

就好似大寶, 出盡百寶去教佢要禮貌, 要自動自覺食飯睡覺, 但總時要三吹四請才去做, 唉.... 係我做得唔好, 未盡全力?? 亦或兒子真的來討債的..

做嘢咩... 更覺自己可有可無, 東不成, 西不就, 別人眼中是無能之士...

心灰到想做傻事,

 

 

 

 

好彩....

每個星期日都出去郊外遊蕩散心, 如果唔係, 平淡乏味嘅生活, 真難挨...

 

 

 

 

 

 

有時諗, 係咪自己唔知足, 所以不快樂..

但我好感恩現在所擁有嘅一切, 只是, 心內好想大叫, 一見身邊人不如意事就會無明火起, 想去改變, 但變不起...

更無助是...我原來係無傾訴對象的....

終於深深明白什麼是家家有本難念的經了,

 

 

 

 

 

開心, 要開心~

要快樂~

平常心...

 

 

 

 

 

 

 

尋死多事罪

相信我寫得呢篇嘢都係想尋死了....

 

趙連海先生只係想替自己兒子討回公道, 就得到尋釁滋事罪, 入獄2年半...

我等蟻民想替佢抱不平, 就等同尋死無分別.....

但我心內都係有團怨氣, 不吐不快~

[ 中國  ] 愛你恨你!!!

愛, 因你古時發明了很多, 做紙, 指南針, 道家, 儒家, 哲學,

恨, 因你現時又發明了很多, 毒奶粉, 搵命博的採煤, 假蛋, 豆腐樓,

你不是教我們要努力改善生活嗎?

為什麼20世紀都來臨了10個年頭, 但生活狀況和2仟年前無咩分別呢?

都是未見官先打30大板, 官官相護, 冤案無日無之.....

難道仟幾年的歷史都不足以改變今日, 古時的帝王管治, 今日的黨權, 有分別嗎?????

我想我的仔, 學的中國歷史都只會是秦漢唐... 所有60年代的近代史都會自動變為歷史, 就等他1百幾十年後, 才會有得在書本認識....

國家的經濟發真的比人民自由, 人命重要???

雖然我知道全世界都是如此, 但中國, 你是這麼近, 又那麼遠.....

愈想瞭解多D, 又愈感無助,

看來, 我都只可做回一個為生活而生活的蟻民C9, 什麼為他人爭取公義, 我都只敢在心內, 在腦內激盪想像反抗, 嚎叫..... 但又不能做到D咩.......內疚, 不安, 無助.....

大中華中... 有多少個趙連海??? 我想不多,

但有多少個我??? 我想無14億, 都有13億99999999個,

哈哈 ~我想我並不孤單, 多得黨無時無刻的打壓封鎖,

人就會靜思, 反思, 想想人生, 生活可以改變嗎?

趙連海先生, 支持你, 加油~