2010年京都．景 ．伏見稻荷神社

2 月 17 日, 星期 三, DAY 4 上午

京都 [ 伏見稻荷大社 ]

今日行程好趕, 早上先到稻荷, 下午就到嵐山, 再之後本想到金閣寺....但已趕唔切, 關門大吉啦.... 有 d 失望, 但 拖住 2寶都無得強求~

難得佢哋係呢度玩得不亦樂乎~

佢哋 " 納奉 " 即是我哋嘅 " 捐獻 " , 仲有木牌仔例哂出來, 都好特別呀~

中途見到 一大班人行過, 原來係寺持來誦經, 佢哋超安靜...... 行得又快,

唔係有個開路人叫我讓開 d , 我都唔知有班人行過, 同我哋中國好大分別, 一國好靜, 一個好嘈, 所以全世界都知, 有中國人嘅地方都係會嘈 d... , 但反過來講, 我哋呢嘈亦都可以叫熱鬧呀~ 哈哈!!!

終於都見到千鳥居啦, 真係排到密密麻麻~

大寶話呢度係隧道, 叫細寶跟住佢向上跑, 又真係走得好鬼快呀~

好可愛嘅折福牌~

2010年大阪京都鴨仔團．鴨走天涯

2月16日, 星期二, 凍, DAY 3

京都周圍都唔算多車多人, 所以 2 寶即時解禁, 有得在神社周圍走~

即時生猛哂~

入鄉隨俗, 大寶都來洗個冰凍手仔, 不過似玩水多過洗手....

洗完手就開始佢做佢嘅黑手大行動, 用雙手周圍掂, 抺, 搖, 拆......

完成佢嘅黑手大行動之後比佢見到個水池, 唔聲唔聲咁行埋去, 真係嚇死我,

我已經唔記得帶內褲比你, 其他衫都唔多呀, 仔, 唔好玩嘢呀!!!!

OH~ 有得落地喪跑嘅細寶, 急急腳走人, 誓死唔比我拖, 真係好彩呢度唔多人, 如果唔係都唔知點睇實你哋倆曳人....

  

和服美女就無得影啦, 和服AUNT就有......

如 baba 所講, 襯返我呢d呀媽級喎, 哼!!!! 無話你無用, 人哋睇你唔上眼....

一到另一神社又再玩過, 開心得佢呀~

我覺得呢張影我佢哋好可愛~

可愛唔到幾分鐘, 就走咗去玩石仔,

超喜歡呢張相 ^^

呢度鯨鯊陪足大寶 4日, 但當 baba 一買咗埋火車比佢之後就打入冷宮....

祈福黨 1 號

祈福黨 2 號

 

晚上行經高島屋, 一入到去就銀包大出血, 前前後後係度買咗 14 o架火車車頭....