濕地快閃

 

 

已經第3次來濕地啦...

講真, 新鮮感已欠奉,

唯有東影影, 西影影,

 

 

 

 

不過, 學 baba 話齋,

影得就唔好求其, 雖然係睇到悶悶地,

但都可以影吓其他角度嘅~

ok~ ok~ 就睇吓你有幾唔同角度??

 

 

 

 

1.

 

 

2.

 

 

3.

 

 

4.

 

 

 

 

呢段時間只見幼虫, 蝶影都唔多隻...

而呢張相亦係我覺得最靚嘅~

5.

 

 

呢張都唔錯, 有幾分滄桑感

6.

 

 

7.

 

 

8.

 

 

 

 

總結今批相, 都不過不失,

baba 話我百彈齋主,

次次都唔讚佢,

咁我都係實話實說啫, 哈哈哈~

 

3顧濕地

 

 

5月3日, 星期日, 陰天 + 熱~

 

 

 

 

為咗迎合大寶要坐西鐵 + 輕鐵嘅要求,

我同 baba 諗來諗去都唔知去得邊,

有得睇, 有得玩, 唔遠而又唔太辛苦嘅地方真係唔多,

終於都係去返濕地公園,

好彩今日唔係曬到嘔, 仲有小小風,

如果唔係就熱 c 我哋啦....

 

 

 

 

一日到黑都想企嘅細寶, 周圍8都未停過,

 

 

細寶都係一個超級曳人,

由出門口到濕地呢個時間, 口 + 手 + 腳都未停過,

不停係度同大寶傾計, 講來講去都係形容大家.......

  你曳, 曳曳, 你曳, 曳曳, 你曳曳........

倆個口水佬一路講到去濕地都仲未收聲,

鬧長氣....

 

 

 

 

睇吓佢哋 d 9 唔搭 8 對話~ 去片

 

 

 

 

 

 

 

 

一去到, 大寶就整咗個招牌 post

" 打開手 + 扁嘴 + 講(無) " 比我哋,

佢話無太陽, 無雀仔, 無花花, 無魚魚, 咩都無...

實情又真係咁喎,

因為今日陰天多雲,  d 候鳥又飛走哂, d 荷花又未開, d水又濁, 無咩魚睇到, 就連人影都唔多.....

本來今日重點介紹係蝴蝶園, 但入到去, 又係蝶影都無隻睇吓,

原來呢個星期係幼虫成長期, 再過多2-3星期就會化蝶,

 

 

so..... 我哋唯有睇吓樹葉同樹枝啦.....

 

哈哈~ 樂天嘅細寶只負責陪笑~

只要大寶係度周圍走佢就笑, 係屋企同係公園都無分別~

 

 

 

 

 

 

失驚無神走去鍚啖細寶,

大寶個解釋係話 " 我見細寶自己一個, 會悶呀, 我鍚啖佢, 等佢開心d之ma~ "

跟住就哈哈哈哈~ 咁傻笑住走咗去.......

 

 

傻寶喪跑 + 跳

 

 

 

 

睇樹葉同樹枝都無咩吸引, 唯有玩吓草~

此草不同彼草, 並不是明星玩嘅草~

此草一家大細都玩得,  是為 [ 怕羞草~]

大寶初初都好驚青, 一嚿飯咁睇我同 baba 玩,

大寶不停問我哋,  " 係唔係動物來o架? 點解會郁嘅? "

係大寶眼中, 植物係唔識郁嘅, 只有動物才會郁~

經過一大輪解釋之後才肯伸手掂咗幾吓,

之後就玩到愛不釋手~

 

 

 

 

 

最後~ 睇埋綠海龜就要走人啦~

而大寶又不停提住我哋 " 我想去睇動物呀, 我想睇電視講嗰d動物呀...."

不停講住海洋公園個廣告,

唉...... 海洋公園!!! 今個月真係走唔甩啦.......

 

 

好可愛嘅綠海龜 b b