日日做到無停手嘅我,
一到晚餐時間就係打仗時間,
7個月大嘅細寶已經食緊魚肉粥啦~
佢好喜歡拿實我個碗,
唔知係代表好想食定唔好餵我呢??
食食吓見到暴走中嘅大寶就會傻傻咁陪笑~
一d都專心......
呢個表情就係我見一次笑一次嘅 " 合嘴 + 嗚嗚求救 look~ "
食到咁上下就會出現,
但同大寶一樣啦, 都係好喜歡生果,
我一轉啖木瓜 / 啤梨 / 香蕉 就會乖乖開口再食~
真係萬試萬靈 ( touchwood )
近期牙癢得緊要嘅細寶,
基本上係有咩拿到入口嘅都會咬一餐,
時不時就會捉住我隻手指放入口,
呢樣真係叻仔, 知道咬自己會痛,
咬我就...... 大大力都無問題,
又不同於牙膠, 冧冧地又有骨, 幾好味呀~
係我痛啫.....
有時食食吓都會好肉緊咁咬實個匙,
真係咁牙癢咩??
最近仲學識 boo 番啖粥出來,
真係有幾污租得幾污租呀....
以下就係大寶嘅曳人實況,
佢次次都喜歡做d曳嘢引我哋注意,
日日如是....
近期書癮又發作, 連日來係 親子洋 同 亞馬遜 都訂咗圖書,
真係買到唔停手~
大寶一見到新書都倆眼發光, 即刻坐定定睇哂咁多本,
之後,
一到食飯時間, 我就知道佢嘅喜好啦~
先來介紹吓親子洋嘅收穫~
1. 呢倆本, 幾好, 但大寶睇咗一次就放埋一邊,
睇來佢並未發現 your body 嘅得意之處~
2. 呢5本就是今期最愛啦~
特別係小馬騮Curious George and the Rocket,
連同之前2本, 佢差不多日日都睇一次,
有次仲講比細寶聽, 真係同我講嘅版本一樣~
接住就係大熊仔追蚊蚊, 大寶睇一次就講一次,
" 我都好憎蚊蚊, 咬到我好痛呀... "
鬼咩.... 2寶都十分野蚊, 所以都係周身蚊蚋, 唉........
3. 呢5本就係第2最愛~
而 hen's pens 隻大肥雞,
同佢近期愛周圍畫一樣, 可能有共鳴, 所以睇得特別多~
4. 大寶暫時感覺一般, 但都幾喜歡 at the zoo,
時時都提住我 " 媽咪, 我好鍾意小動物o架, 我想去睇呀~ "
睇來, 要去一轉海洋公園至得啦~
5. 都係未係咁喜歡, 可能一次過有咁多本, 未吸收得哂~
有待得竉.......
6. dora's eggs & little penguin 都幾喜歡,
最緊要係簡單得來, 都有d意思~
唔知點解, 大寶真係幾喜歡做主角嘅圖書,
反之用哥哥 / 姐姐做主角嘅就唔多投入, 點解呢??
而我亦投其所好, 都買幾多吓~
7. 我最喜歡買套裝書, 一套6本, 可以慢慢同大寶講~
要令到大寶喜歡佢哋嘅話,
睇來我又要諗諗計, 講得生動d才得啦~
真傷腦筋...
好啦~ 呀四圖書館介紹完畢~
