倆兄弟見面啦~

9月30日~

細寶回家了~

我係在醫院一直都心掛掛, 掛住個大寶, 擔心佢唔見我幾日會不會不停發脾氣, 好彩..... baba話佢只係不停貶嘴, 不停痴姐姐同佢, 但就無喊, 都算放心小小,

今日~ 我帶細寶回家啦, 特登買了一包軟糖作為細寶送比佢嘅禮物, 好彩.... 佢見到我同細寶只係不停笑, 一d都無抗拒,

當我放細寶在bb床時, 仲第一時間衝埋去瞓在旁邊, 不停講住 " 我哋一齊瞓啦, 好無呀? " 仲笑得好開心添, 我即刻放心哂~

大寶呀, 你真係低鍚呀~

大寶一瞓係旁邊就不停傻笑啦, 睇得我好開心呀~

見到細寶仲懶腰又跟住做~

又一齊咪眼仔~

我一講換尿片就打開佢件衫,

係咁講 " 我要幫手呀~ 我要幫細寶換尿片呀~ "

不過就無從入手, 只係不停望, 不停問~

我真係估唔到, 大寶會咁開心~

不過佢始終都係一個2歲半嘅人仔, 所以好多時都唔識用力,

有時大大力咁捉住細寶隻手仔, 有時又大大力咁抱佢,

不過呢d都証明到大寶係好肉緊細佬仔嘅~

而最開心就係見到佢肯鍚細寶嘴仔,

仲笑得好曖昧添~

細寶出世啦~

細寶係9月28日凌晨順產出世啦~

今次我都係用吸笑氣來止痛, 不過生細寶就無咁痛快, 記得上次生大寶時只係用了3次力就ok了, 但今次就用了5, 6 次力才順利完成任務, 一樣有種呵了嚿仟年大ng ng嘅感覺, 哈哈~

由於又係凌晨生嘅關係, 加上吸咗大量笑氣, 整個人都迷迷糊糊, 仲一度瞓咗...... 而又不停係度發夢, 2點幾時大痛得緊要, 仲一度以為自己已經生咗, 又不停問姑娘係咪囡呀? 真係恨囡恨到生緊都仲發夢, 我真係傻~ 哈哈~

最後都順利生了第2枝頂心杉出來了, 不過就輕了點, 只得5磅8, 當姑娘把佢抱到我身邊時, 佢向我單眼望了一望, 真係咩痛都即時忘記了~ 只要你健康, 仔囡都無所謂了~

 

人仔細細, 表情多多~

同大寶一樣, 眼細細, 嘴細細, 但聲大大~

影了一整日, 都唔肯開眼仔~

又成日貶嘴仔, 醜樣豬~

真係好似大寶呢~

不過, 無論你點樣, 媽咪都會咁鍚你, 同愛你,