金魚街

早上去完bb聚會, 唔痴家既baba又提議到金魚街行一陣,

好啦, 就帶曳人寶去睇吓魚魚, 龜龜, 狗仔同貓仔啦~

唔知係唔係睇得太多魚魚既關係,

今次大寶對魚既興趣大大減少.....

轉移去睇小倉鼠,

剩係睇小倉鼠都睇到唔願走,

自己企到倦倦地就要我抱住睇, 可憐我同baba就罰企半小時....

行行吓又睇貓貓追波波,

不停問我點解貓貓要追波波?? 點解咁細隻既??

點解唔出來玩既?? 點解我唔掂得既??

變咗問題大王!

曳B聚會之端午節

今次我地既主題係端午節呀~

首先就唱吓歌仔做吓動作,

其中聽故事環節係估唔到咁專心, 多得講故事既ee,

既吸引又生動, 引領到所有小朋友所專注,

好專心咁跟住做動作,

可惜跟到錯哂, 截順風車既手勢由前後變咗左右??

手指又錯, 一指神功??

以為自己做啱哂~ 傻笑!!!

玩遊戲, 做龍舟,

初初都好肯自己做, 但最後都要baba出手才能完成,

表面以為對食糭好有興趣, 但都係唔肯放入嘴........

龍舟既完成作品~

多得幾位媽咪既分功合作, 好靚~ 特別係個龍舟外殼!!