有足夠睡眠啦！

大寶豬，大寶豬呀！

係呢１６個月裡，每晚都要食夜奶既你，終於都自動自覺咁介了．．．

由初生既一個只會食同訓既小人仔，漸漸長大到現在，

會行，會走，會笑，會咋喊，會撒嬌，會依依呀呀學說話．．特別係叫我”媽咪”既時候，ｓｗｅｅｔ～

而你．．現在晚上更可以一覺訓天光呢，對我既依賴又小一樣，証明你大個啦，

媽咪終於都有足夠睡眠啦，連續訓８個鐘既滋味真係”正”呀！！

又吞pop啦～

今天本應節目豐富，耐何天公不做美．．．．

呀四１號本想早上去會所游水水，下午再陪汪汪奀去狗公園散步影靚相的．．

可惜下午不停落雨．．．　好在早上都有游水，下午就改為去冒險樂園睇哥哥姐姐玩，無錯！！　係”睇”，我係無得玩既，因個孤寒媽咪認為每次都又睇又玩會養成唔好習慣喎．．但當我大個時，唔知佢重控唔控制到我呢？？　就係咁，都算有過下節目呀，如果唔係就浪費了個周日啦

到咗晚上．．．．　呀四１號同ｂａｂａ唔理我自己去街街

，

呵呵！！大寶豬．．無法啦，我難得有朋友係澳門過來找我飯局，為有委屈你自己係屋企玩啦

，今晚我好開心呀，帆叔同佢太太請食飯，

我地都有年幾無見啦，自從你出世後我同ｂａｂａ都少了去夜街，而平時周未假期又是３人行，所以得知佢地過來玩兼有時間食飯，咁就緊係放底你呢塊膏藥，蛇反３幾個鐘，ｗｅｔ吓ｈｅａ吓

，

我地更相約聖誕節去探佢地同囡囡，所以媽咪都要加緊替你辦証件了，希望今年能夠衝出香港

～　哈哈～～～