講完細寶7個月,
都講講大佬寶3歲後嘅轉變,
之前睇過一本書, 講小孩嘅情緒轉變係會以高低曲線來成長, 每6個月為一個高點和低點, 就以大寶為例~
即是, 0-6 個月會情緒好平穩, 任你安排, 無咩反抗能力, 好似一嚿飯咁任你搓圓襟扁, 好喜歡呀四, 有我就安心~
7-12 個月就會轉為好奇, 開始會表達情感, 哭笑都由心而發~ 但都係好易對付嘅一個時期,
12-18 個月會乖巧, 聽話, 會聽指令, 情緒都係平和嘅, 因為心知仲有好多嘢未學識, 依賴心依然好重, 未敢與呀四作出太大對抗, 因為還想學多d新事物,
19-24 個月會好動, 勇於嘗試新事物, 凡事想親力親為, 但手腦又未協調得好好, 所以情緒起伏會加大, 因有力不從心感覺, 所以會有脾氣, 開始出現傳說中嘅 trouble 2 行為, 即想快手快腳穿衣物/ 鞋, 但能力又未係次次得, 所以會忟自己, 又忟呀四唔快d來幫手, 但都算肯比我出手幫,
25-30 個月就係 trouble 2 嘅高峰期, 所有想得出與想唔出嘅頑皮嘢都會出現, 大膽, 自我中心膨脹, 目中無人, 無理取鬧, 大吵大鬧, 十問九唔應, 有錯唔認兼唔改, 明明自己做唔到嘅行為, 都唔肯比人幫, 到後期情感發展到成熟階段, 知道父母對佢有d咩期望, 但順從與反抗係心裡不繼爭扎, 就形成口不對心, 你依佢意思做但又並不是佢心裡最終所想, 結果就不歡而散, 時時都頂心頂肺...不過點辛苦都好, 呢個 trouble 2 都係半年時間,
幾經辛苦, 我終於都捱過咗..... 需知道還有個細寶, 但我都會有個心理準備, 平常心, 平常心, 比d耐性, 比d耐性, 嶊眠自己.....
終於, 到 e + 3歲啦, 真係好一個天使仔~
會主動幫人, 一有電話嚮會即時飛身去聽, 唔理係手機 or 公司電話, 好彩嘅係, 我同 d 客都熟熟地, 不過就失禮死人, 成日都好似要個豆丁來做接線生,
整到我自己要間唔中用手機打回公司搵佢傾倆句, 個曳人大寶仲同我對答得有文有路, 收線後竟然同我講,
" 有個 e e 搵我呀, 叫我乖 d 食飯, 之後有得獎糖呀~ "
"媽咪, 你記得聽 e e 話, 叫我乖, 之後獎我食糖啦吓~ "
我 " ............................. "
會自動講早晨, 唔該, 多謝, 有問有答, 會答 " 知道啦~ " 聽到都開心~
會自己食完飯拿個碗比姐姐,
雖然都仲係我 " 不 "飯, 佢自己放入口, 呢個係近期最令我開心嘅進步,
e + 我再下一成, 要求佢食飯聽故事時唔准講嘢, 對呢個口水寶來講, 真係幾難, 因為佢好喜歡我講一句, 佢又講十句來接力,
好彩佢比以前為食咗好多, 我次次都事先聲明, 乖乖唔講嘢食飯有3啦星星糖作獎勵, 咁大寶會好開心答知道, 佢每次多口講一句, 我就講, " 你今餐飯後得番2粒糖咋, " 佢即時唔再講, 改為指住個圖案叫我講呢 part, 如事者都可以 keep 到飯後,
希望佢真係改到一路食飯一路不停講呢個壞習慣,
會自己沖涼, 不過似玩水多過沖,
肯自己係床 / 車仔瞓覺, 唔再需要抱住啦, 終於都介甩呢個心癮, 有時夜晚仲會講想自己瞓, 唔駛我哋陪, 不過都係玩, 行出行入都唔係認真,
試過細寶係度扭計想搵人陪時, 大寶會叫我去抱吓佢啦, 但見我做緊嘢, 就會自己走去拍吓細寶, 陪佢傾吓計, 事後又同返我講, 佢叻仔, 氹細寶, 叫佢唔好喊~
不過亦時有搶細寶玩具, 當我話佢唔係好哥哥時, 會駁嘴講 " 佢唔識玩o架, 我想佢玩第2樣之ma, " 咁都比佢諗到......
更試過咬細寶腳仔, 大寶又駁嘴講 " 我鍚得大力咗之ma, "
其實呢d口吻語氣就正正是我平時同佢玩, 同佢講嘅說話, 佢真係將我嘅一言一行拍低哂, 再在不知何時何地回饋給我......
有時更會即學即做, 好似 baba 叫姐姐寫低買麥當佬食物時, 大寶即時拿張紙係旁邊記低自己想食嘅食物, 當 baba 講完時, 佢就會拿張紙比姐姐, 仲重複一次話 " 要雪糕, 唔要汽水, 要薯條, 唔要包, " 實情係要包, 要薯條, 唔要雪糕要汽水, 咁佢都可以即時加入自己所想, 真係服!!!!!!
表情多多, 古靈精怪,
不過正正就係佢真面目
非常愛我喎~
非常十分之愛細寶喎~
鍚到個鼻都變形,
咁...... 細寶, 你呢??
