早安~ 你好~ (用普通話講呀~)

細寶豬個作息時間已經自動調整得咁上下,

每日早上7點就係佢個 talk show ~

只要你行近小小, 就自動波不停 e e 鵝鵝,

呀~咕~  呀~咕~  咁不停嘴搵你傾倆句~

用隻手指摸吓個下扒仔仲 格~格~笑,

條脷仔不停郁, 好似真係識應我咁,

倆個月人仔就咁多口水, 我諗第日2寶每朝一定嘈到不得了....

 

 

細寶 e + 喊起上來好認真啦, 有眼淚, 不停放大喉嚨喊到氣喘喘,

一日未見你埋來抱都唔收聲, 試過坐係旁邊陪住按撫吓...

點知仲大聲 d, 好似話比我知,

作死呀, 走到埋來都唔抱吓, 咪偷懶呀!!!

真係人肉追蹤器, 膏藥得緊要......

 

 

 

大寶見我同細寶玩得咁開心, 忍唔住係旁邊不停叫,

好啦, 陪吓你, 督埋你塊面仔啦,

一大清早就有污穢不堪嘅鼻鼻同爆哂擦嘅面豬登相贈,

真係醒神哂~

e.......... 個口仲煲緊口水飯添... 好鬼醜呀... 你.....

近排愈話佢醜就愈整d古怪嘢, 我忍, 我忍, 反叛期... 反叛期....

 

 

 

 

見佢哋瞓得咁開心, 都唔忍心摌佢起床~

起身前大寶再送多個香吻比細寶,

哈哈~ 又攬又鍚, 開心的一天~