新春好節目之福澤滿門

 

１月３１日，　星期日，　年初六，

 

最後２日假啦．．．．．

心情即時唔多好，但見陽光普照，又忍唔住冷街去玩．．

今日目的地係”濕地公園＋下白泥”

 

 

 

 

大寶心情超興奮，ｄ曳人表情做過不停～

 

 

大寶今日嘅目標人物係”蟹”

 

 

 

呢個”剪剪手”ｐｏｓｔ由屋企做到去濕地，佢好記得隻蟹係邊大邊細手，

所以佢都係一隻手做一隻手唔做，服！！！

 

 

見佢玩得咁投入，我都忍唔住加入，互剪～

 

 

可惜．．．．

蟹就見唔到啦，周公就早早ｃａｌｌ咗佢啦，

加上潮水都幾漲，無得幾隻蟹佢見．．．

可惜，可惜～

 

 

 

 

 

起身之後，知道搵唔到蟹．．有ｄ嬲爆爆，

就連去睇蝴蝶同蜜蜂仔都無咩笑容～

 

 

但天生八卦，見到幾隻蜜蜂仔飛來飛去又忍唔住追住睇

 

 

 

 

見無咩人，就叫大寶做個小ｍｏｄｅｌ，呢幾張相真係影到佢個真面目～

 

１．多手～

 

 

２．唔望你！唔ｏ采你！

 

 

３．扁嘴＋輕佻！！！

 

 

 

好彩濕地有育嬰室，咁我都玩得放心～

但細寶都無咩點離開過我心口．．．

 

 

 

 

玩完濕地即刻飛的入下白泥睇日落～

嘩～　真係好凍．．．

 

 

但又好浪漫，

都有４年無來呢ｄ地方啦．．

今次一家大細一齊食住西北風睇日落真係正～

 

 

 

可惜．．今日比較多煙霞，

個咸蛋黃唔係咁清，但都好多人係度影相，

 

 

 

 

今次我有備而來，特別為大寶準備咗水靴，

咁佢就可以周圍走，周圍八啦～

 

 

 

大寶不停拿住支樹技周圍篤，見到ｄ生蠔又篤一餐，ｄ水草又篤一餐，

玩到唔願走，不過個太陽走得好快，一轉眼就無咗啦．．．

下次都係要早ｄ來先得～

 

 

 

玩玩吓，大寶發覺唔見咗個大陽，得番個笑笑月亮，

就不停望住個天叫我哋一齊睇，

 

 

 

 

今日難得嘅全家福～

好倦．．但開心～

 

 

後話：

去咗２次濕地公園，發覺大寶開始無咩興趣啦．．

特別係佢話見唔到蟹好唔開心，下次唔ｏ黎囉喎，

咁都得．．．你ｄ３分鐘熱度都好犀利啫．．．

 

同埋，下白泥比以前污穢咗好多，大家都無咩公德．．．

希望大家都多多愛惜呀，香港嘅郊外已不多，

請高抬貴手，把自己ｄ垃圾帶走才棄置！！