新春好節目之福星高照

2月1 日，　星期日，　年初七

 

最後一日假期了～　今日一日出發去＜＜嘉道理農場＞＞

原本以為要好耐才到達，但原來由青衣去係好方便嘅，

搭西鐵去到錦上路，再轉６４ｋ巴士，唔駛１個鐘就到啦，幾方便～

 

但今早遲了出門，去到都中午啦，所以都玩唔哂，只係玩得半個山頭，

可惜可惜～

下次，一定早早出門，要坐車上到山頂，再由上玩落山，

 

 

 

 

原本今日無打算出街，但見大寶因搵唔到蟹而悶悶不樂，咁就提議去睇馬同豬啦，估唔到佢又有興趣，可惜都未行到上山就夠鐘要走人啦．．．唯有去睇馬騮，

 

 

唔知點解，ｄ馬騮仔一ｄ都唔活躍，呆呆地坐係度ｒ癢．．唔通凍得滯？？

 

 

途中見到ｄ紫色嘅西蘭花，好靚呀，真係想帶佢返屋企～

 

 

嘩～　呢隻肥豬真係肥得緊要，

我哋坐係度休息咁耐都唔郁，但一郁就係去開餐，個生理時鐘準到無論！！睇見佢，行又行到肚貼地，食又食到頸貼地，真係．．．好食好住到咁嘅地步！比你，要定唔唔要？？

 

 

 

 

睇完豬就梗係想睇埋牛同馬啦，但原來睇馬要上半山，時間緊迫唯有放棄，又轉場去睇龜同鱷魚，

點知，隻隻都去哂冬眠．．又一次唔合時，

 

 

又轉場．．

去小農田度執石仔同樹枝，大寶不停執ｄ石仔，再散落地，佢話佢係農夫播種子喎，仲要係好勤力嘅粟米農夫添～

 

 

 

 

 

 

 

 

 

 

 

 

特別表演：舉雙ｂ～

一手一個，ｂａｂａ都無我咁勁呀，人人都話我比以前大隻咗好多，我想呢ｄ就係我得到２寶嘅最大犧牲．．嗚～～～

由弱女子變為女大力士！！哈哈～

 

 

 

 

行行吓見到好靚嘅向日葵～

係我嘅至愛花，ｉ　ｌｏｖｅ　ｉｔ～　原本都心情開朗，加下更加心花露放～

 

 

大寶都感受到我嘅心情，傻豬狂奔！！！

 

 

 

 

睇睇吓花無ｏ拿ｏ拿走去搬花，本應都搬得好開心嘅，點知企係溫室門口嘅哥哥突然望一望佢，即時嚇到停哂手＋飛奔埋我身後，哈哈，無膽豬～

其實我一早幫佢問咗哥哥搬唔搬得啦，係佢唔知啫～　哈哈～

 

 

睇吓佢．．．　真係嚇到眼都突ｏ架～

怕比人鬧就咪咁多手啦！！

 

 

 

 

我覺得濕地同呢個嘉道理農場都好值得帶小朋友去玩～

特別係餵人奶嘅媽咪就更方便～

呢度周圍都有獨立育嬰室不特止，仲有靚靚掛飾～　

有驅蚊功效ｏ架～　又美觀又實用～　正！！