單車

每日下午,

大寶都會到公園玩一陣, 而近來在公園識了位四眼哥哥,

佢好喜歡大寶, 倆人常有互帶玩具落去交換玩,

 

 

今次, 四眼哥哥就帶了單車, 雖然大寶都有一架,

但大寶架係bb式3輪單車, 而哥哥嘅係小童款,

大寶係唔夠高+唔夠力玩,

咁... 哥哥又好好人, 會推吓佢, 又幫佢轉軚, 照顧周到~

 

 

之但係.....

哥哥又有d曳嘢影響到大寶,

就係..... 係唔係都叫 " 救命~ "

同埋嚇大寶話周圍都有怪獸捉佢,

 

 

細膽大寶就信以為真....

晚晚都大叫~ " 救命呀~ 有人捉我, 好驚, 好驚! "

其實都唔知佢係真定假, 但就煩到我好恔.....

 

 

終於, 婆婆又諗到計啦~

就同大寶講 

" 怪獸o黎唔到屋入面o架, 佢無鎖匙呀, 入唔到來, 我哋唔會亂開門o架~ "

就係咁... 大寶安心哂~ 再唔會係半夜叫驚驚啦,

人多真係好辦事, 咁快就解決咗一件事...

不過仲有好多燎Q嘢未解決....

 

 

 

大寶單車初體驗