實在頂唔順大寶個頭啦.....
今日一於同大寶o個頭雜草來個了段,
自從上次姐姐唔小心剪親佢隻耳仔,
佢就好怕剪頭髮,
我事前幾日都要不停同佢討價還價, 佢才放心比我剪,
佢肯坐定定唔郁來郁去,
代價就係3隻出奇蛋 + 金莎 + 新釣魚玩具 + 我親自操刀,
我以為佢好恨食朱古力啦, 點知又唔係....
佢只係打開哂d包裝攞入面個玩具,
~~~~~~~~~~~~~~~~~~~~~~
一開始我就剪耳仔位, 心諗快快搞掂呢個陰影位,
點知快手得滯.....
一邊 "平" , 一邊 "長", 一邊有的水, 一邊無...... 失敗.....
大寶, 對唔住呀!!!
最近愛上此 post, " 切刷" 影相是也~
拿住粒金莎品神, 齋玩唔食~
之前都係我自己剪天鉞個頭既 但好似你咁 會剪到一忽忽 番學吾係幾好睇 同發現天鉞佢真係會mind囉 俾我剪完個頭出去吾肯見人阿 俾人笑會....hide係我背後 同剪前後都好似打仗咁 所以呢幾次結果都出去俾人剪 而且我發現左屋企附近有間髮廊 係葵興光輝圍既 有個阿姐好正 剪天鉞既頭髮 係以神速黎形容 5-10mins 搞店 仲係有剪有鏟 好勁 你知天鉞都坐吾定嫁啦 又快手 又會就下佢 之後 仲有 珍寶珠食嫁 搞到天鉞 貼貼服服 第1次剪 有喊 因為髮碎"cut"肉但都剪俾佢完wor 第2次剪 就吾喊添啦
回覆刪除咁好, 比個o架步我, 第我都去試吓,
回覆刪除好過我剪, 又辛苦又唔肯坐定,
剪完仲要比baba笑我無料到....