雖然大寶好想好想同細寶玩,
但係以大寶咁粗獷嘅行為,
我睇..... 倆兄弟一齊玩都係再等一吓添啦~
所以每日baba回家都要陪佢玩, 而我就照舊餵奶, 換片, 餵奶....
由於大寶已經無返學啦,
所以我早上一有時間都會陪吓佢睇圖書, 講故事, 玩玩具,
近日發現大寶出現一d奇怪言行.....
如我一想叫佢執玩具時, 都未開聲咋... 大寶已不停講 "對唔住"
雖然係好好, 會講對唔住, 但就唔行動......
又如佢想baba抱佢, baba只係講抱咗好多次啦喎... 佢又講 " 對唔住 "
我叫佢埋枱食飯, 佢又講 "對唔住"
晚上我叫佢去瞓, 佢又講 " 對唔住"
我開始覺得奇怪, 以前大寶會講咩原因唔做, 如我想玩多陣..
唔食, 因為我想食麵唔食飯...
唔想瞓, 因我想睇一次圖書...
點解想抱, 因我掛住你...
但e+就只會講 "對唔住"
我想是學校既原因, 因我知道大寶食飯食得慢, 又有要求, 佢要送同飯分開, 瞓覺要人抱一陣, 我知呢d都係我養成嘅壞習慣, 但學校只令佢不停講對唔住, 就唔係我想得到嘅嘢....
而鬧完佢之後, 大寶每次一喊, 我去抱佢, 佢就好驚咁講 " 我收聲o架啦, 唔喊啦... " 我聽到好唔開心, 因為佢以前會喊哂出來, 之後再同我講番 "媽咪, 我唔會啦, " 仲會好肉緊咁抱住我, 但e+就只會忍住, 唔敢發洩出來... 呢d都唔係我想學校比佢嘅感覺,
所以心情有d唔低落, 心想...... 2歲幾返全日, 都係未是時候, 下年還是選半日校吧.....
我睇落有Ｄ心痛 唉。。間學校好有問題咁。。
回覆刪除[版主回覆10/07/2008 21:39:00]呢間學校, 教學宗旨幾好, 但就唔多適合大寶, 一來大寶多嘢講, 鍾意同人一問一答, 2來佢唔識自己食飯, 要人餵, 無人餵就唔食, 佢試咗一星期都唔食中午, 剩食生果.... 午睡又唔瞓, 而佢每次一見返學鞋就開始不停講"對唔住", 我同baba見到好唔開心, 點解我要咁心急迫佢, 係咪人人做到自己食, 瞓, 我都要??
最後我覺得返學日子流流長... 遲多一年才返吧, 呢一年我會努力, 希望佢食同瞓都改善小小.... 終好過佢失了原本嘅自信心,
會唔會考慮插班返半日? 同一時間照顧兩個好傷神，尤其細寶需要花更多時間照顧。
回覆刪除[版主回覆10/07/2008 21:42:00]都會考慮插班, 不過一定係半日, e+報咗一間係葵芳, 如果有機會都會問吓有無位插班, 因我都想佢去唱吓歌, 玩吓,
哎呀, 聽到都好痛心呀, 大寶喺我心目中, 真係一個開心快活既寶貝. 而家返左學唔係咁耐, 就變成咁... 不過寶媽唔使太擔心, 為時未晚, 你同佢講返, 更正返佢既思想仲黎得切, 唔好俾佢以為你都贊成呢一套.
回覆刪除[版主回覆10/09/2008 17:54:00]近日無返學, 佢笑容多番d, 都講少咗對唔住呢句說話, 我都不斷同佢講, 你有咩唔開心, 有咩意見都講咗先, 我會聽, 只要你講就得啦, 你無曳, 無做錯, 我唔鬧你o架, 呢兩日都有小小好轉~
教學宗旨好 未必個個老師做得到
回覆刪除有時返學真係好睇好唔好彩撞到個好既老師
致於自己食飯 我覺得係要train 因為依Ｄ係訓練佢成長必經階段 但又未置於要攪到個小朋友咁有內疚感 做乜野事都要say sorry 咁樣 有點兒過火了
[版主回覆10/09/2008 18:07:00]你講得好啱, 我就係唔想佢有太多內疚感而無咗原先嘅自主同自信,
我知道老師其實都幾細心, 不過可能耐性不夠, 見佢1日又係咁, 2日又係咁, 小不免會責備同鬧佢幾句, 咁佢一下子跟唔到自己食, 又自己瞓, 心內應該好不安, 咁想喊, 但又唔可以成日喊, 加上老師嘅語氣, 佢唯有不停講對唔住, 希望得到老師嘅安慰, 抱一抱, 但老師可能又無做, 整整吓佢就咩都講對唔住....
學前班都係唱遊為主, 係學校當然要學習紀律, 不過要一個兩歲幾人仔不停認錯, 真係過左火^^
回覆刪除[版主回覆10/09/2008 19:08:00]我都知大寶係曳人一族, 比老師鬧就在所難免.....
但見佢不斷講對唔住... 個樣又委屈....
就想像到佢當時比老師鬧嘅情況, 想喊又唔敢喊, 想講又講唔出... 總之個心就唔開心.....
容媽 , 其實你有冇同學校老師溝通過 , 點解大寶會成日 say sorry 呢 ? 以我所知 , 救世軍係一間老師好有愛心和經驗的幼兒園 , 起碼 BK 好少家長投訴 , 知道左原因咁第日返 K1 都可以避免同樣事情發生 ; 至於食飯問題 , 就要睇下父母可唔可以放手俾佢自己訓練自己 , 或者俾大寶多 d 機會和朋友仔一齊食飯 , 在朋輩影響下 , 就可能會知道要自己食飯 . 我地舊時阿媽 1 個湊幾個 , 邊有可能個個餵食飯架 ; 不過最重要就係父母俾左 d 咩野信息個小朋友 , 如果佢知道點樣都會有個人餵佢食 , 佢又點會自己食飯 ? 我個囡就知道如果佢一離開左個位 , 要到下一餐先會有飯食 , 亦都唔會有人餵佢 ... 這是我一直堅持的 , 希望可以幫到你啦 ... 唔通 4. 5 歲都要姐姐餵食飯咩 ?
回覆刪除[版主回覆10/09/2008 20:02:00]我知學校係好, 老師係好, 如果唔係我都唔會咁遠都比佢返...
只但係, 我想我是急進咗... 一心諗住我教唔到嘅, 學校可以幫到, 但大寶就跟唔到... 仲整到佢無哂心機, 一見校服就講對唔住, 一d都唔開心....
至於食飯, 近來又改善少少, 我同姐姐都知咩事, 就係佢同我煮嘅食物都唔吸引... 因為今個月個陪月ee煮嘢食實在了得, 又多花款, 大寶近日食得不知幾好, 所以我同姐姐都努力學習緊, 一於改改一貫嘅食普,
講真, 我好多謝你哋比意見我.. 等我知道個問題所在, 今年要同姐姐好好咁合作, 一齊放手比大寶去試,
至於返N1/K1, 就要睇下你想佢讀書既原因; 對於一個2歲的小朋友來說, 學ABC呀,寫字呀, phonics呀唔係最重要, 最重要就係培養自理能力和紀律, 家校合一小朋友先會學到野, 學校教一套屋企做一套係冇用既, 呢d都係榆榆老師教我的, 所以呢, 多d 和學校溝通......講得唔啱唔好見怪!
回覆刪除[版主回覆10/09/2008 20:04:00]我都知家校合一嘅重要, 所以就算我唔返都會問吓老師, 到底佢返學嘅情形係點,
其實天熱都有食反問題 係屋企食正餐佢係都要姐姐餵先食嫁 不過食茶點/生果果d / 出到街未必會有姐姐跟住時 就會自己食 因為天熱番半日學 所以中午都係屋企食 我宜家都叫緊姐姐吾好餵佢 但佢放學番黎好倦, 有時邊食都會邊發脾氣 想sleep 所以姐姐都係未忍心叫佢自己食 而且佢吾食都吾會驚 因為佢下午茶肯定食番夠本..... so....我都係未幫佢戒餵食中午+晚反呢2餐 但係我有發現 如果去朋友屋企,玩同食反 佢係會同其他小朋友一齊吃既....吾使餵 所以.....佢呢個problem又都在我接受範圍內 另外, 你講say sorry 果度 我想你要教育番 大寶 更正佢既處事 say sorry 手法 話俾佢知乜野係做錯野既情況 需要真係 say sorry 而且如果 真係say左 sorry 吾係剩係只識講 sorry 就得嫁啦 要有行動 但如果係另一d情形係即好似係佢有d要求想人地俾佢, 而如果人地吾答應 咁係 吾使say sorry既, 佢應該講番自己既感受/理由 咁先係最好最好既.... 最緊要 同番佢講 吾係每個情況 都要say sorry, 希望多d講番俾佢聽同教番佢 可以令佢識得乜野情形下做d乜, 亦吾會咁吾開心吾敢講野啦~ 我諗我同你都係想自己個小朋友 開心活潑 同有主見既家長 佢地吾使好乖好聽話 但係一定吾可以作奸犯科啦 如果吾影響其他人 佢係可以有自己既主見既 不過咁講啦下, 你吾教, 幼稚園又教吾到既話, 小學係當你識, 知道係吾識亦吾多會教你自理呢d既野啦, 所以你吾忍心, 幼稚園亦教吾到 小學果陣個小朋友就有可能好大wok嫁啦 特別係宜家多數都係全日制 你吾食 佢真係吾理你嫁 我契女未係囉......宜家8歲 仲係得5x磅 又瘦又矮 佢自己話 佢全都排尾2乍wor 吾係最矮同食得 最少果個wor..... 係屋企食反可以食2hrs......要阿媽趕佢出門口食咁先 食快丁咁多 但係份量你都吾使旨意會多... 睇番原因就係因為之前姐姐餵 姐姐吾餵 吾肯食 / 食得慢 大人頂吾順 再餵 大dd 番幼稚園&全日小學後 冇人餵 食得慢 食得少 個胃食細左 so 得宜家 佢食野仲小個天熱......又食得超慢........ 就算係薯條+反 都可以妹成粒鐘 咁到時就好激氣啦... 所以都係細細過 自己忍心d 去train佢啦 你吾忍心 但你吾train 到人地train既時候 人地就可能好狠 你到時覺得人地太狠好心痛 吾俾人train佢 你未一樣要忍心+狠下去 所以係吾係都要忍+狠嫁啦 自己黎 可以control得好d 好過到時自己後悔啦 right?? 激死人
回覆刪除[版主回覆10/09/2008 20:51:00]我就係驚小學都仲係咁... 所以先開始心急..
點知愈整愈衰...
食飯未改善到又到另一問題, 所以近日不停諗, 到底食飯緊要定佢喜歡學校緊要? 咁緊係後者緊要, 所以我唯有轉半日學, 而自理食飯就由自己慢慢再想辦法...
尋日打打下 部腦short左 打到一半吾見晒d字.... 幾驚打完d野會吾見晒... 所以最尾句激死人吾應該係段文度既..... 再講番先下 小朋友細個d教佢規矩同自己或一般其他人的原則 會易d教 因為係一張白紙 你話乜佢聽乜 但係大左 佢如果形成左一d自己情境的"規則" 吾理呢d"規則" 係吾係好同壞 你想改佢就要花多好多心機去改啦 而且佢越大會越多意見 同脾氣 要教就更加考驗自己既 耐性 同 EQ啦 所以我自己就覺得 自理同品德係一d要細細個就開始教 就算我容許佢吾做／佢未做到 都要佢知其實點先算 做得好 做得對 因為呢ｄ問題都好困擾我 我又有諗過下點樣處理 所以 我寫左好多自己既想法出黎 吾知岩吾岩你用 希望可以同你分享一下 希望會幫到你手啦～
回覆刪除[版主回覆10/09/2008 20:45:00]我都知細個唔教, 大咗就要再落好多功夫,
所以我一直都著緊佢嘅自理, 食飯, 之但係, 一直都無咩進展, 佢真係可以見親白飯都say no, 係呢個"飯"嘅問題, 我用硬功同佢鬧了1年有多.... 都係唔得, 所以e+見佢肯比我哋半氹半餵咁食, 都要接受, 真係完全自己食, 係呢一年內... 我想都係唔得多,
唯有不停轉吓款式, 令佢對食多番d興趣先再算...
加油阿 容媽~~~~
回覆刪除慢慢黎 吾好太心急
有機會就講d又改d啦
冇話要先解決左一個問題 再處理另一個既
同步進行 加油加油
[版主回覆10/10/2008 18:53:00]唉... 唔心急就假嘅, 見到返學班小朋友個個都肯自己食, 而佢就掂都唔掂... 而老師只係問佢做咩唔食? 試餵一陣就行開...
咁我都想像到我無陪個個幾星期, 佢係幾咁肚餓+眼瞓, 每次姐姐接放學, 係地鐵已瞓到死豬咁, 睇見佢咁辛苦, 又何必....
既然大寶係呢方面真係比同齡慢.. 咁我咪同佢慢慢學, 慢慢做, 迫唔o黎...
唉... 真係好考家長! 學校老師有無同你溝通? 如果小朋友自己唔食, 老師唔會餵or 幫手train佢自己食???
回覆刪除如果咁睇大寶又真係未ready... 之但係, 係屋企因為大寶實會嗲媽咪&工人, 所以更加難train... 呢個結好似雞與雞蛋的問題...
你選擇半日班都係個緩兵之計, 起碼令到大寶不致於抗拒返學, 不致於無晒信心, 呢樣野都好緊要!
好彩汶汶返的保護兒童會會幫手train小朋友自己食, 仲時時講d進展比我知, 教我係屋企配合train佢, 汶汶返學咁耐, 餐餐都食清光! 汶汶開始返果陣19個月, 老師都話佢勁多野講, 我覺得d老師比汶汶好多講野的機會, 所以汶汶學到好多野, 自理都好好, 亦好喜歡返學, 好喜歡老師!
比心機, 再找間更適合大寶的Kinder... 咁睇, 大寶好岩活動教學, 可以多些發言的機會!
[版主回覆10/11/2008 18:07:00]其實諗深一層, 喜唔喜歡食嘢都好有關係...
就以我自己為例, 我係喜歡食粉麵同其他雜糧多於飯嘅, 可以理解大寶都係同我一樣... 就有如, 呀媽都唔愛食, 又點迫佢都喜歡呢...
呢樣係我c6成日講而我又返駁唔到...
係呀! 我係完全唔飲奶的人, 所以汶汶自1歲鬆d就自斷奶路, 到而加都係一食到奶/芝士/乳類產品的時候作晒嘔! 口味同我一樣!
回覆刪除不過, 佢竟然係學校肯飲奶! (見人飲, 佢又飲)