★☆滿月☆★
話咁快一個月啦~
"非人嘅生活開始完結啦"
細寶嘅生活開始有節奏啦, 已經不再是2個鐘食一次, 大多數時間都係3個鐘食一餐~ 雙手可以鬆一鬆, 甩難啦!
"屁屁愛乾爽"
而每日都會在早上同中午去ng ng, 每次ng完仲要嘈到我哋即時清潔才舒服, 片片唔清潔係唔肯瞓嘅~ 而陪月ee教我, 一見佢扭呀, 谷呀, 就試吓用盆豆住去ng ng, 暫時我成功了2次, 希望對日後學去廁所有幫助啦~
"好想瞓多d (我&細寶)"
每日早上, 雖然好想好想瞓, 但... 比個曳人大佬嘈住, 根本就瞓得唔淋, 所以一到下午大家午睡時間就會即時瞓, 由下午3點-第日嘅7點都係, 只有肚餓才起身, 而我就可以休息一陣, 不過離一覺瞓天光仲係有段距離...
"愛八卦, 愛熱鬧, 愛痴人"
細寶同大寶一樣, 都係鍾意痴人, 引人注意嘅, 一定唔肯自己一個在房, 點都要嘈到有人陪為止.. 真係頭痛,
一身大寶嘅舊衫, 做呀2真係唔多著數~
倆個傻瓜蛋~
每日, 大寶一聽到細寶"呀~嗯, 呀~嗯"
都會去"愛一愛, 拍一拍 "
我就最愛此刻啦
2個好似樣阿~ 如果佢吾肯一個人係間房度 你試下播d音樂/收音機俾佢聽啦 可能間房靜過頭 佢吾慣阿~ 大寶好可愛阿~ 鍾意細佬就最好啦 最好叫佢一齊幫手照顧佢添 等佢take up 一d 責任 希望會成熟d 吾使你咁勞氣啦 大家都c服d開心d咁就最好啦
回覆刪除[版主回覆10/29/2008 12:54:00]個細嘅好鍾意聽人講嘢, 係房聽唔到就唔多鍾意, 所以成日扭出廳, 大寶已經係換片時嘅好幫手, 次次d臭片都係佢掉去垃圾桶
2個真係好鬼似樣...
回覆刪除[版主回覆10/29/2008 12:56:00]哈哈, 有時半夜, 半夢半醒餵奶, 都以為自己餵緊大寶o架
尋晚比蕎蕎睇細寶既相, 佢都指住話係大寶呀, 真係好似樣。
回覆刪除[版主回覆10/29/2008 12:59:00]呵呵, 蕎蕎咁叻, 認得大寶呀~
不過細寶好似無酒渦
雙寶真係double sweet, double lovely, double caring ... 大dd果陣, 可能double trouble!
回覆刪除我都覺得做亞2真係唔多着數... 如果將來我的細B係仔仲要執汶汶的女仔衫着一年半載呢! 所以, 如果妳唔生第三件, 就留低d男仔衫比我啦! 我前兩日岩岩找到個醫生開葉酸, 開始準備中...
細寶個樣大個佐好多呢!
[版主回覆10/30/2008 20:03:00]生第3個, 咪啦.... 除非中六合彩3仟8佰萬啦~
d男仔衫, 你唔介意嘅, 一於比你~ 先祝你心想事成先
係呀, 自從上次撞到之後, 蕎蕎就好記得大寶啦
回覆刪除[版主回覆10/30/2008 20:07:00]叻囡呀, 咁好記性, 不過啱啱我比大寶睇返蕎蕎d相, 問佢知唔知邊個, 大寶就一舊飯咁, 剩係識問, 邊個姐姐咁靚靚~ 哈哈
好sweet 呀, 見到大寶輕拍細實個樣, 真係好感動.
回覆刪除[版主回覆10/30/2008 20:19:00]係o架, 會好開心~ 不過有時大寶唔係細細力, 而係大大力...
兩個戴帽都好cute 呀
回覆刪除[版主回覆10/30/2008 20:20:00]本來得細寶戴嘅, 個大寶見到, 方死無佢份咁, 即刻去戴返自己個個,
唔係化....唔覺唔覺咁就滿月啦! 細寶雙下巴好cute呀! 個樣好c文wor.
回覆刪除[版主回覆10/30/2008 21:00:00]係lor, 就係咁快, 你近來又點呀? 早幾日大寶見到你接謙謙放學, 好大聲咁叫謙謙, 不過你哋聽唔到, 佢返到來係咁同我講, 下次星期六, 約你去樓下玩呀~
細寶大寶一樣樣...好好笑呀
回覆刪除