洗白白

2年無用小b沖涼,

e+再戰江湖, 好彩都無雞手鴨腳~

講真, 佢哋d手手腳腳又細, 頸同腰又軟林林,

真係幾驚自己一時錯手... 大力得滯而整親佢都唔知,

細寶都係一個愛水嘅小b, 每次沖涼都唔願起身~

唔知第日倆個水戰時邊個勝利呢?

睇吓~睇吓~ 呢個管家仔, 每樣嘢都關佢事!!

最唔like就係呀四慢手慢腳著衫... 阻住佢開餐食奶奶~

講開食奶, 真係多得大寶2年既訓練,

今次嘅路比上次行得順咗~

希望一切都會得心應手, 奶路暢通~