閒話家常

有時做細嘅都幾蝕底...

何出此言呢??

玩嘅, 著嘅要執2手都無得投訴...

就連想靜一靜都要等個大嘅休息咗先得~

事原大寶日日在家都玩到嘈嘈閉!! 有時又失驚無神發出巨響!!

唉..... 可憐細寶在甜夢中就咁扎醒,

有時細寶在房瞓又比個曳人大佬衝入房突襲 " 鍚一啖~"

在廳瞓又比曳人在旁突然拍一拍, 曳人大佬話 " 我氹佢瞓呀~" 

曳人大佬自己食緊生果時, 突然心血來潮又去則一嚿比細寶食~ 我話細寶要6-7個月後才有牙食呀, 曳人就幫佢改了個名為" 無牙豬~"

每次細寶一發出d " 呀~eh, 呀~eh, " 嘅喊聲時, 大寶都會第一時間捉住我or baba隻手入房, " 大叫細寶eh~eh呀!! 快d去睇吓啦!! "

係呢方面又幾細心喎~

不經不覺, 細寶已經20幾日人仔啦~

個樣日日唔同, 跟住再望吓大寶, 原來時間真係可以過得咁快~

有d感動...  有d感觸..

當我又在胡思亂想時, 我問大寶, 日後同唔同媽咪住呀??

因我一直都覺得, 生囡, 日後就多個仔!!

生仔, 日後就會成為人哋個仔!!!

佢呆一呆, 望一望我, 唔答...

跟住就扁一扁嘴, 跟手仲眼有淚光...

oh~ 我又唔覺意觸動咗大寶...

大寶你真係好感性呢~

希望你, 日期都記住呢一刻~