2014年 2月1日, 星期六, 初二, 晴天
今日目的地是 滝野すずらん丘陵公園
一早起身, 望到有陽光同飄雪, 心情為之一震, 正呀!!!!!!!
我的健康早餐是生果和鮮奶~~~
2寶的不健康早餐是杯麵, 平日無得食的倆位曳人,
係假日才放縱一下 
由酒店行去對面商場, Sapporo Factory, 再向 TV Tower 方向直行3分鐘
就到達地下鐵入口, 巴士中心前車站 T 10 ( バスセンター前駅 ) ,
由東西線的巴士中心前車站 轉去 南北線的真駒內是要在大通站轉車的,
沿途指示十分清楚,
只是我初初有d白痴, 以前自己在大通車站入閘, 周圍搵向真駒內方向的車都揾唔到,
白白地在車站上上落落, 經自己再三睇地圖才清醒回到人間........
由大通到真駒內 N16, 是要坐9個站, 大約是由荃灣到旺角咁上下車程, 好快就到了~
沿途的車站有個中島公園, 看介紹在冬天都有小型雪燈祭,
只可惜時間上夾唔到又要錯過了..
其實整個冬天, 札幌和其他北海道地方都有大大小小的雪燈, 冰濤, 雪祭給大家參加,
真係會來上癮的.......
轉多一程巴士就可以到公園啦, 而假日D車都好密的,
我們錯過了9:15的車, 本以為要等到10:15才有車,
點知在候車室見到外面有人排隊, 咁又急急腳排下,
哦~~~ 在9:35分到有車埋站, 不知是加班車亦或是由札幌開的車經過呢??
因為在JR札幌係有車直到公園的, 只是我不知在那裡上車,
所以選了在真駒內坐呢架 ( 真102 ) 巴士~
30分鐘後到了~ 記住是最後的總站才是公園入口, {{ 東口 }}
其他入口是其他設施的, 今日我們目的是來玩 輪胎雪撬 
整個公園超大大大的, 足足可以玩一日,
一年四季仲有不同活動, 相當吸引~~~
家庭滑雪區, 可以約教練, 但要會日文,
所以我們無試, 怕事的2寶亦都有D抗拒, 唔知點解........
終於都來到免費的雪撬~~~
早上唔多人, 所以我們5條雪道都玩齊,
無膽人細寶要我陪玩多次才肯自己玩, 真無氣.....
自動化的設施真係無得頂~ 舒舒服服就上到山啦~
今日天氣真係好好~ 所以大寶懶醒地要自己行一次上去滑,
不得不佩服, 孩子精力真勁!!!! 
倆位曳人真係野人來的,
好地地有自動上的遊戲不玩, 要玩原始雪撬,
大寶都好D, 肯自己郁手郁腳,
個懶人煩鬼無用豬細寶要我出手呀 !!!!!!!!!!!!
D雪軟棉棉, 真係舒服到我都想周圍瞓~~
加上玩到咁上下, 都倦倦地啦............ 我.........條腰呀..........
但2位曳人堅持要去玩多次雪撬
所以定山溪的 體驗動物園 ! 無緣了.....
定山溪溫泉 !! 無緣了............
繼續做我的三陪呀四, 陪玩, 陪食, 陪瞓......
中午就來過簡單而豐富的午餐, 食完再去玩啦~~~~
沒有留言:
張貼留言