2014年の雪樂無窮北海道DAY ３。3 @ 藻岩山 & 狸小路

2014年 2月1日, 星期六, 初二, 晴天

 

 

 

 

 

回到札幌薄野區, 我們在市營地下鐵大通站落車, 找到出口2,

 {{ 南4條西4丁目 }}

一出路面就會見到札幌市電~

 

 

一到地面向後轉, 就會見到一個大大的商場廣告牌, 有條斑馬線,

市電就在斑馬線的中間~

 

 

一架好CUTE好迷你的電車到站啦~

市電是圍一個圈的行駛, 

 

 * 市電路線圖 *

 

由  {{ 西4丁目 - ロープウェイ入口 }} 需時大約25分鐘

 

 

 

 

在不久的將來, 市電會同香港的叮叮一樣, 漸漸更新變現代化的車,

好似歐洲D車呀~~ 應該好舒服!!

 

 

車內有小地圖介紹到藻岩山的交通,

 

 

就是在 [[ ロープウェイ入口 ]] 呢個站落車,

一路跟指示行就是了~

 

 

 

 

由市電站過一條小馬路, 再向前行2金鐘就會見到一個接駁車站,

有免費接駁車到藻岩山入口,

班次好密的, 而當日仲有一大班學生都係去那裡, 所以車站十分熱鬧~~

 

 

 

 

 

 

 

 

 

終於都到了~~  * 藻岩山 MT.MOIWA ROPEWAY *

 

先坐一架纜車到中腹, 再轉一雙玻璃車仔到山頂,

來回 : 大人1700円, 小童850円



 

 

車箱內好新, 看外面的夜景都好清, 相比小樽天狗山, 呢個纜出乾淨企理好多~~

 

不論去到邊都周街瞓雪,

 

 

 

 

今日天色比昨日清了好多, 但我們無帶腳架影的夜景唔多靚,

其實好多地方都是滑雪場, 今晚就見到倆母女來滑夜雪,

十分之輕便, 倆個滑雪板就玩得啦~

 

 

呢度除了一個餐廳外就只有一個小食店, 賣的包仔幾好味, 不妨一試~~

 

 

大量的手信引到你購物欲暴升, 不過我都忍到手, 無買~~

睇完夜景就回到狸小路晚餐了~

 

 

 

 

好想好想食拉麵呀.........

但曳人大寶堅持要食餃子, 就去了王將了, 點解來到札幌唔食D特色拉麵呢.........

在香港就只食味千, 好彩D餃子都好好味,

 

 

狸小路神社就在王將對面, 而附近又勁多手信和藥店,

慢慢行係唔得架...... 因為9點到就會關門, 所以見啱就好買啦~~

 

 

由於我們太夜到了, 行得一陣就所有店都關門大吉了,

都好, 銀包慳回不少呢~~~ 哈哈~

 

 

充實的一天完結了, 本想行回酒店, 但無力的雙腳就行了去打的,

本來好眼瞓的細寶立即醒哂~~