2014年の雪樂無窮北海道DAY 3。2 @ 国営滝野すずらん丘陵公園下午

 2014年 2月1日, 星期六, 初二, 晴天

 

 

 

 

 中午食了個豐富午餐, 2個曳人又眼闊肚窄地叫了一大埋食物...

 

 



 

 

 

 

先來個炸豬扒定食, 美味 !!!!!!!!!!

 

 

 

 

炸薯條拼腸仔, 薯仔十分好味道~~~~

 

 

 

 

來到日本, 拉麵又點少得佢呢~~

 

 

 

 

咖哩豬扒, 正正~~~~

 

 

 

 

每日限量供應, 焗薯蓉什菜, 好好好好好味 !!!!!!!!

 

 

 

 

 

 

食飽飽又出發去玩BB組的雪撬仔~

在輪胎雪撬旁的小斜坡上, 有公園免費提供的雪兜和其他份似車仔玩意~

 

 

 

 

懶人細寶為了玩, 終於都死死地氣自己拉車仔上去了~

有得休息下啦........ 我.........

 

 

 

 

呢架迷你車仔真係好Q難坐, 大人玩時, 中途必定炒車,

但細路玩就無事, 始終呢批玩具都係給細路玩的~~~

 

 

 

 

 

 

 

 

有時細路都會炒埋一堆, 但個個都玩得好開心~

亦都無怪獸家長出來保護一番,

就由細路們自己起身再玩~

感覺真好, 細路就係要咁長大, 才會識自己處理問題MA,

 

 

 

 

 

 

 

2寶係度玩了2個鐘.......

初時都怕佢會凍的, 但原來又上又落的他們係會濕哂低衫的,

而我就真係凍到手指都硬哂啦......

 

 

 

 

 

 

 

 

大約在 3 點左右, 公園會有廣播通知你, 呢度要關門啦~

無車的我們要快D去巴士站等車啦, 因巴士是3 : 15分就開走啦~

尾班車應是4:15分, 但我無睇時間表,

好彩早D排隊咋, 原來好多人的, 有位坐回真駒內,

如果唔係, 玩到倦到死死下的我們仲要企半個鐘巴士真係人都癲,

 

 

再見啦~ 呢個公園真係好值得來玩,

大家有機會記得來參觀玩下啦, 一年四季都好值得來玩一日架~

 

 

* 巴士時間表 *

 

今日下午本想到定山溪的體驗動物園, 但時間上行唔通, 我想有車的話應該會趕到,

自駕遊人士可以一試~

 

 

* ノースサファリサッポロ 體驗型動物園 *