2010年大阪．景

 

2月14日, 星期日, 凍 , DAY 1

 

大阪 [ 難波 , 心齋橋 , 道頓崛 ]

 

 

 

 

期待咗幾個月, 今日終於起行去大阪旅行啦~

一日 6 點就起身準備, 2 寶又要趕起身, 趕食早餐, 一陣打衝風咁趕出門搭車,

順行到達機場啦, 由於我在網上劃位時一直都無 3 個連位, 迫於無奈都要早早去機場睇吓有無人幫到手按排一下, 好彩地勤人員見我有 2 件細嘅都幫我轉到位, 但原來我 d 機票係可以指定坐位的, 只係我個死人agent 無幫我安排, 激氣!!!!!!!

 

 

 

 

一心諗住今次一定要取個小童小飛象袋仔, 點知已經轉咗新款啦, 又一次激氣......

 

好在 2 寶合作, 無驚無險, 安全到達~

( 10 : 20 am - 14 : 25 pm )

 

大阪機場好細呀.... 我係第一次o黎, 上一次來大阪已經係 10 年前, 仲要係東京大阪倆邊玩, 所以大阪對我來講都係好陌生啦, 好在, 事前都做咗好多功課~

每次去旅行, 我最 enjoy 就係 plan 行程, 一路睇天書 & 上網搵料, 一路諗點行點玩, 好過癮~ 但今次我就好失策, 竟然錯漏百出..... ( 遲 d 才講 )

 

 

 

 

由 2 點幾到機場, 行特快過境, 坐南海電鐵到難波酒店, 到正式可以行街都只係 5 點多, 算快啦~ 所以帶細路去玩有時都有某 d 着數, 哈哈~

 

先到道頓崛醫肚~ 再到心齋橋閒逛, 我好忍得手呀, 一樣嘢都無買呀! 只係大寶買咋~

原來由呢度行返去酒店好近咋, 選擇住係難波就有呢樣好, 幾夜都可以行街~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

2 月 15 日, 星期 一, 凍, 雨, DAY 2

 

大阪 [ 新港 , 海游館 , 通天閣 ]

 

 

 

 

呢個海游館比我想像中細得多.... 好彩都叫有條鯨鯊睇吓,

我今次無買大阪一日剩車劵同周遊劵, 有 2 件細嘅又點玩得咁多地方呀, 所以只係期待玩到2 - 3 個景點都算啦~

加上大寶係呢度都睇咗成 2 個鐘有多, 咁之後嘅行程又要少一個啦...

 

 

 

 

 

 

 

玩埋呢個全大阪最大嘅摩天輪就出發去第 2 站~

 

 

 

唔知點解呢, 我次次都鍾意影水渠蓋~ 哈哈

 

 

 

 

 

 

 

 

 

 

 

 

一心諗住去埋個動物園, 點知今日休息, 有緣無份, 善哉善哉, 10 年後再會啦~

 

轉呔去呢個通天閣食個晚餐啦~

 

 

 

 

 

 

 

一於試一試呢個貴到飛起嘅 " 河豚刺身 "

真的淡如食白紙, 生食一 d 味都無, 只有咬口, 熟食火鍋就 very good 啦, 最好味係用 d 湯來撈飯, 細寶食到 lam lam 痢~

 

 

 

 

 

 

 

 

 

飲飽食醉, 2 寶好快就進入夢鄉啦~

而咁靚嘅大阪夜景, 都要再見啦~

咁貴嘅酒店都 bye bye 啦~

我短期內都唔會再來啦~

 

 

 

 

原本以為日本會凍過香港, 日日都擔心 2 寶會唔夠暖,

但原來周圍都有暖氣嘅日本係暖過香港的,

是日大阪 9 度, 而香港係 7,8度~ 奇!!!!!