細寶發燒ing

話咁快, 細寶就來歲半啦,

好多事都進步咗,

但我就係無時間 + 懶...... 所以好多嘢都無寫低,

唔通做第 2, 就會咁...

唔得.... 個時大寶九唔搭八嘅事我都寫一餐, 家吓細寶嘅事我都要!!!!!!!!!!!!!!!

 

 

首先,

早 3 日前, 細寶就在半夜5點幾無o拿o拿發高燒.....

好彩上個月去旅行時有 d 平安藥無用到, 即刻比佢食小小,

但一唔食又燒番, 我本想由佢食藥, 直到 d 藥食哂再打算,

因為我估佢係出疹 or 出牙 or 發炎, 所以才發燒..

但係個緊張 baba , 就極力主張要睇 e 生, 所以都睇咗..

一如我所料, 都係講喉嚨發炎, 所以發燒,

都唔明, 個個小朋友發燒都係話喉嚨發炎, 表妹仔, 隔離屋個小妹妹, 個個都係咁講,

唔通呢個月興??

點都好, 佢無事就得啦~

就在細寶發燒嘅時候, 佢成日扯尿片, 跟手就做個好痛苦嘅表情, 再不停坐係度扮喊...

可能發燒啦, 佢成身都好熱, 所以尿片位就更辛苦,

又有可能係, 佢想介片啦... 我記得大寶係 1 歲 9 個月時要求介片的, 因為個時係最凍, 所以點都要迫佢著番, 但見今次都差唔多熱天啦, 所以都幫細寶除哂~

個臭豬細寶一知自己無著片, 即時通屋走, 開心到飛起~

比條大寶低褲仔佢著, 點知佢就除咗佢來當帽!!! 仲好得戚咁去照鏡!!!

但唔著褲嘅細寶, 可能無咗某種安全感, 佢唔柯屎......

唯有頭頂一條低褲, 下又著一條啦~

真係算命都無咁準, 一著即有屎, 仲一柯就中哂倆條褲, 係佢 + 我........

 

記得以前大寶一有咩頭暈身慶, 都愛痴住我不停食,

反之細寶又無呢舖癮.... 唔食我已經無奶?????



歲半就要結束我嘅奶媽生涯.... 嗚.............