呢次行程全權我話事, 有好有唔好~
好就係我想點就點, 唔好就咩都我做哂,
2 月 14 日, 星期日, day 1
今次行程開首之所以叫錯漏百出, 事源就係我早在上年 11 月已 book 好機票, 因為我好想好想好想去玩, 但第一次新年旺季出發, 唔知機位如何, 所以好早做準備, 點知就係太早嘅關係, 我買機票時唔知可以劃埋位, 又一心諗住有3日前網上 checkin, 萬無一失, 實無死啦, 點知就中招啦, 一 click 之下先知, 全幾爆哂, 得番單丁位, 即電國泰求救, 但佢話幫唔到我, 叫我自己早 d 到機場試吓啦, 撞鬼佢, 我咁貴買咗飛, 原本個agent 係可以幫我早早選位的, 但就係偏偏無幫我做, 呢樣又幫唔到, 激死我,
所以是日本來可以好輕鬆上機, 就係因為咁又要早2個鐘到機場爭位, 唉......
好彩, 我幾嬲都好, 都無講咩衰人, 賤人, 無人性呢d說話, 所以一到機場櫃位已有位好地勤幫我啦~ 已機幫我安排咗4人位比我哋~ oh~~~ 咁爆班機都有4人位, 真開心~
話就話有 4 個位, 但細寶都係要孖住我一齊~
為咗比大寶坐呢 o架南海電鐵而選了難波貴貴酒店, 不過又真係好鬼死就腳~
酒店嘅舒適睡衣, 2 大2 小 & 可愛兒童浴室用品~ 正!!! 貪小便宜嘅我幾想用第3隻手帶佢地回家, 但過唔到自己個關, 都係取走牙刷用品就算啦, 唔好有損香港人嘅影像~ 哈哈~
成日都無咩正常嘢食過落肚, 即刻去食個豐富晚餐兼情人餐先~ 呵呵,
細寶呢隻曳人仔, 一路食, 一路將 d 吉碟放回迴轉帶上, 都唔知讚佢好手尾定貪玩好, 整到我不停要捉住佢, 唉, 比隔離枱見到哂, 真失禮......
見大寶今日表現都好乖, 就獎佢食雪糕啦, 點知食完就出事啦, 佢尿濕條褲.....
咁都未算, 到我想搵條褲比佢換時才發覺我唔記得幫佢帶內褲呀!!!!!!!!!!!!!!
omg !!!!! 咁嘅事都會發生..... 我點做人呀媽, 點學人執行李......
即刻同圍搵童裝啦, 但.... 原來心齋橋多的是藥房, 化妝品, 男女裝, 衫褲鞋襪, 咩都有, 就連寵物衫都有, 就係無童裝, 幾經辛苦才搵到.....
就係呢半打內褲.... " GAP " 你救咗我一命, 但同時亦都插咗我一刀, 粗心大意後果成為 $400~ [ 多謝幫襯 ].... 嗚......
2寶好喜愛呢間酒店, 周圍走唔肯瞓, 玩到成12點才肯安靜呀~
穿起白白睡衣嘅大寶又幾醒神喎~
大阪, goodnight~
ps : 大寶ba 手持之下嘅大阪夜景~ 都見得吓人~ 哈哈~
沒有留言:
張貼留言