大寶生日月節目巡禮@Disneyland

 

 

3月22日, 星期日, 陰天 + 雨

 

 

 

早早就答應大寶今天去迪士尼, 點知天公不做美......

陰天 + 時時細雨........

 

本想立即轉去第2度玩嘅, 但又諗唔到去得邊,

心諗, 入面好多遊戲都係室內啫.....

好啦, 照去~     

 其實我自己貪玩都想去, 哈哈~

 

 

 

 

 

 

好彩~ 中午打後就開始停雨,

仲有小小陽光添~

即刻去玩咗幾樣戶外遊戲~

 

 

大寶揸車都睇得吓o架~

個樣認真又緊張, baba 話佢成個人都硬哂~

叫極望鏡頭都唔理......

 

 

 

 

 

 

哈哈~ 細寶都掛住周圍8而唔肯瞓早覺,

唔通佢倆隻曳人嘅貪玩DNA係遺付自我~ 呵呵~

 

 

 

呢個小小世界十分之嘈......

周圍嘅廣播都係....

嘈到個人都恔恔地.....

唔通佢哋以為全部人都係聾嘅?? 有無需要咁大聲.....

玩完一個都有 d 耳鳴....

 

 

跟坐去嘅3d影院同音樂劇都係同樣情況.....

我真係怕影響2寶雙耳~

 

 

但細寶係下午已經倦到咩都唔理,

係咁嘈嘅情況之下都瞓到2個鐘,

可想而知, 佢早上係(才牚)得幾辛苦....

 

 

 

 

 

 

我一直都以為大寶最喜歡巴斯光年, 因為佢去日本迪士尼時買咗把手槍, 一直都珍而重之咁玩, 玩咗成年都未壞... 照睇應該係好鍾意啦,

點知佢見到一d都唔興奮, 轉身就走人..... 

 

 

原來佢近期愛上跳跳虎, 都係 tv 嘅影響勁, 只係逢周六睇半個鐘就愛上啦...

一場來到, 就同佢講, 搵跳跳虎影相好唔好呀,

點知佢又即時轉軑..... 話鍾意美妮喎.....

係 !!! 係" 美妮 " 唔係米奇,

我再3問佢, 美妮係女仔來喎, 粉紅色o架喎,

大寶都好堅定答我, " 係呀, 最鍾意美妮呀!!!  有蝴蝶結個隻呀!!! "

估都估唔到, 你會係喜歡佢...

唉, 仔呀仔, 你咁花心o架, 5時花6時變,

 

 

好啦, 即刻去搵啦~

點知, 米奇同美妮都未見到, 主角就zzzzzzzzzz~

就係咁...

我哋一個卡通人物都影唔到...

 

 

 

 

 

 

正想打道回俯之時, 大寶又起身啦~

只可惜好多遊戲都關門大吉啦,

 

都唔明點解咁早收工, 只係6點幾啫...

 

 

 

橫掂都係, 就睇埋個煙花才走~

都好, 大寶係第一次現場睇~

佢話d煙花好似火箭咁, "蕉~ 蕉~   蕉~ 蕉~ 發射!!! "

 

 

 

 

 

 

 

終於都到散場才走人~

最後問大寶, 今日開唔開心呀~

佢個總結係, " 想搵美妮呀!!!! "

 " 到走都仲掛住呀?? 唯有下次再來啦~ "

但佢又講, " 唔鍾意周圍都咁大聲呀... 我想睇唔嘈嘅煙花同唔嘈嘅電影呀....."

" 吓!!!!!! 咁只有係屋企睇 tv 才可以較靜音咋喎.... "

" 你唔想再來啦?? "

" 係呀, 好大聲唔鍾意呀...... "

" 好啦, 下次唔來啦, 去公園啦~ 就咁話啦~ "

 

 

 

 

我暗裡偷笑~ 去公園好呀~

年票都唔買啦~ 慳好多呀,  哈哈哈哈~

都係多得佢周圍都鬼殺咁嘈才令大寶卻步