轉吓眼, 細寶就 5 個幾月啦,
又係我最驚嘅時期啦.......
開始轉 " 固體食物 "
點解我咁驚......
之唔係大寶囉, 我好記得, 好記得,
大寶係 6 個月大時, 係有 d 肉地同重得好好的~
但一到轉固體時就大大鑊,
糊仔唔食..... 粥唔食...... 淋麵唔食.... 麵包唔食.....
總之就係... 食奶 + 食奶 !!!!
話都無咁快..... d 肉就唔見哂.........
嗚.........................
試過連奶都唔比佢食... 佢都係食 2 啖固體就算....
我o個時真係人都癲, 又氹又握又鬧都唔得, 日日見佢係度絕食....
呢個硬頸王..... 我鬥佢唔過...
最後就由佢啦....
呢個黑暗時期我永世都記得,
直到佢真正 2 歲無奶食啦, 才食飯有 d 進步...
唉....諗起都想死....
所以今次到細寶啦...
我要開個頭開得好 d~
要想定比咩淡味嘅湯水比佢試吓,
亦或比小小米水佢嘗吓~
心理準備就做好啦, 至怕案件重演........
真係吐血身亡都有之.....
神呀!!! 比個機會我~~~~
做好呀四呢份工~
睇睇倆兄弟嘅相片~
日子飛快,
好快就會一齊玩啦~ 期待期待~
通常兩兄弟既口味&性格都會唔同, 細寶會一定係好胃口一族...加油加油!!
回覆刪除[版主回覆03/10/2009 11:01:00]望就咁望啦.....
我都開始比吓清湯, 蘋果水, 提子水佢試緊啦...
但苦哂口面, 唔多喜歡..... 好煩好頭痛....
你真係搞笑..... 努力做好lee份工啦!! 你是一位好媽媽, 睇完細寶坐登的片, 我仲覺得你好溫柔呀!
回覆刪除[版主回覆03/10/2009 11:04:00]呵呵~ 我得把聲溫柔咋.... 其實我好粗心大意o架~
對住2隻馬騮真係十足呀四咁..... 跟頭跟尾都做死我呀.....
我好明白妳心情~~~ 汶汶都有接近半年的食野痛苦期! 雖然得4/5個月, 不過我都唔想再試...
回覆刪除細寶同大寶好似樣啊!
[版主回覆03/10/2009 11:07:00]咪就係lor..... 諗起都頭痛兼腳軟....
都唔知點解, d嘢食又好味又多花款都唔多喜歡.....
汶汶都好d呀, 話哂都多肉d~
唔似得大寶個時咁, 瘦上加瘦....